સિધ્ધિ : વિશ્વની અન્ય ગ્રીન ઈમારતોની તુલનાએ SRK એમ્પાયરએ મેળવ્યુ સમગ્ર વિશ્વમાં પ્રથમ સ્થાન

09-Jan-2022

રાજ કીકાણી(દુધાળા),

હીરાની અગ્રણી કંપની શ્રી રામકૃષ્ણ એક્સપોર્ટ્સ પ્રા. લિ.ના કતારગામ સ્થિત આવેલા SRK એમ્પાયરે વિશ્વની અન્ય ગ્રીન બિલ્ડીંગની તુલનાએ સમગ્ર વિશ્વમાં પ્રથમ સ્થાન મેળવી સુરતના હીરા ઉદ્યોગ સહીત સમસ્ત ભારતને ગૌરવ અપાવ્યુ છે.

ઉલ્લેખનિય છે કે ગત ઓક્ટોબર 2021માં SRK એમ્પાયરને વિશ્વની ટોચની 6 ગ્રીન ઇમારતોમાં સૂચિબદ્ધ કરવામાં આવી હતી.ત્યારબાદ ક્રમશ: નંબર વન બનવા તરફ એક પછી એક મક્ક્મ કદમ ભરીને આખરે આ ઝળહળતી સિધ્ધિ હાંસિલ કરી શ્રી રામકૃષ્ણ એક્સપોર્ટ્સ કંપનીએ પોતાના યશરૂપી મુગટમાં વધુ એક રત્નમણિનો ઉમેરો કર્યો છે.

વર્ષ 2011માં ડીટીસીના તત્કાલિન મેનેજિંગ ડિરેક્ટર વર્દા શાઇનના વરદ હસ્તે આ બિલ્ડીંગનું ઉદ્ઘાટન કરવામાં આવ્યુ હતુ.આ બિલ્ડીંગમાં કાર્યરત શ્રી રામકૃષ્ણ એક્સપોર્ટ્સમાં હીરાના કટીંગ અને પોલિશીંગ માટે અત્યંત ઉચ્ચ ટેકનોલોજી ધરાવતી અદ્યતન મશીનરી પર અંદાજે ચાર હકારથી પણ વધુ કુશળ રત્નકલાકારો હીરાને ચમકાવવાનું કાર્ય કરી દેશને વિદેશી હુંડીયામણ રળી આપે છે.

આ અગાઉ પણ SRK એમ્પાયરે 2015માં LEED ગોલ્ડ રેટિંગ હાંસલ કર્યું હતું અને પછી 2018માં યુએસ ગ્રીન બિલ્ડીંગ કાઉન્સિલ (USGBC) તરફથી પ્લેટિનમ સર્ટિફિકેશન એનાયત કરવામાં આવ્યુ હતુ.

SRK એમ્પાયરએ વિશ્વની અન્ય ઇમારતોને હરીફાઈમા પછાડી સફળતાપૂર્વક 95/100 પોઈન્ટનો સ્કોર હાંસલ કર્યો છે.માસિક સરેરાશ પર્ફોર્મન્સ સ્કોર તરીકે ઊર્જા વપરાશ, પાણીનો વપરાશ,કચરા વ્યવસ્થાપન સિસ્ટમ,પરિવહન પ્રણાલી અને માનવ અનુભવ સૂચકાંક સહીતના વિવિધ પરિમાણોને આધારે સ્કોરની ગણતરી કરવામાં આવે છે.

Author : Gujaratenews

સિધ્ધિ : વિશ્વની અન્ય ગ્રીન ઈમારતોની તુલનાએ SRK એમ્પાયરએ મેળવ્યુ સમગ્ર વિશ્વમાં પ્રથમ સ્થાન

Related Articles

સુરતમાં દીપિકા પટેલના આપઘાતને લઈને અવનવી ચર્ચાઓ, ચિરાગની ત્રણ કલ...

ગૌતમ અદાણી કહે છે કે હીરાની નિકાસમાં ઘટાડો એ 'વેક અપ કોલ' છે...

નવી દિલ્હીઃ સાંસદ ગોવિંદ ધોળકિયાએ વડાપ્રધાન મોદીજીને ‘નવભારત ર...

મહુવામાં સવા 6 ઈંચ, ઉમરાળા-વલ્લભીપુર, પાલિતાણા-જેસરમાં અઢીથી 4 ઈંચ...

પોતાની હાલની સ્થિતિ પર કયારેય અફસોસ કરવો નહીં...

આ છે દુનિયાની સૌથી મોંઘી કાર, કિંમત એટલી છે કે તમે શૂન્ય ગણીને થાક...

BSNLના 4G સિમમાં 5G કામ કરશે, ખરાબ નેટવર્ક, ડેટા અને સસ્તા ભાવે કોલિંગને...

ભારતીય શેરબજાર ખુલતાની સાથે જ 2500 પોઇન્ટ ક્રેશ થઈ ગયું...

સિધ્ધિ : વિશ્વની અન્ય ગ્રીન ઈમારતોની તુલનાએ SRK એમ્પાયરએ મેળવ્યુ સમગ્ર વિશ્વમાં પ્રથમ સ્થાન

Related Articles

Brief News

Contributer News