ચીનમાં ભારે વરસાદે તારાજી સર્જી ૮ હજારથી વધુ લોકો પ્રભાવિતઃ 21નાં મોત

14-Aug-2021

મધ્ય ચીનના હુબેઇ વિસ્તારના ઉપનગરમાં ભારે વરસાદને કારણે તબાહી મચાવતા અંદાજે ૨૧ લોકોનાં મોત થયા હતા અને ૪ લોકો લાપતા થયા છે. સ્થાનિક અધિકારીઓએ જણાવ્યું હતું કે, સુક્સિયન કાઉન્ટીમાં લ્યુલીન ટાઉનશીપમાં ભારે વરસાદ પડ્યો હતો, જેના કારણે વિસ્તારોમાં પાણી ભરાયા હતા. સમાચાર એજન્સીના અહેવાલ પ્રમાણે આ વિસ્તારમાં અંદાજે ૮,૦૦૦ લોકો વરસાદથી પ્રભાવિત થયા છે. રાહત અને બચાવ કામગીરી ચાલુ છે. શહેરના તમામ રસ્તા પૂરને કારણે પાણીમાં ડૂબી ગયા છે જેને લઇને વાહનચાલકોને હાલાકીનો સામનો કરવો પડી રહ્યો છે ચીનના રાષ્ટ્રીય હવામાન કેન્દ્રએ ગુરુવારે યલો એલર્ટ જારી કરીને દેશના કેટલાક મધ્ય અને પૂર્વી ભાગોમાં વરસાદની ચેતવણી આપી હતી અને સાવચેતીના પગલાં લેવા જણાવ્યું હતું. જિયાંગસી અને ઝેજિયાંગના કેટલાક વિસ્તારોમાં ભારે વરસાદ પડવાની આગાહી કરી છે.તેમજ વાવાઝોડા અને વીજળી પડવાની પણ સંભાવના છે. હેનાનમાં ભારે વરસાદને કારણે તારાજી સર્જાઈ હતી. રાષ્ટ્રીય વેધશાળાએ સ્થાનિક અધિકારીઓને પૂર અને ભૂસ્ખલનની શક્યતા માટે સાવધાન રહેવાની સલાહ આપી છે. અનેક વિસ્તારોમાં આઉટડોર પ્રવૃત્તિઓ બંધ કરવાની ભલામણ કરવામાં આવે છે. ગત્ત મહિને, હેનાન પ્રાંત અને તેની પ્રાંતીય રાજધાની ઝંગઝોઉ શહેરમાં ભારે પૂરને કારણે ૩૦૦ થી વધુ લોકો મૃત્યુ થયા હતા અને ૫૦ લોકો લાપતા થયા હતા.

નોંધપાત્ર વાત એ છે કે, ૧૬ જુલાઈથી હેનાનમાં રેકોર્ડબ્રેક વરસાદ પડ્યો છે. ગેંગઝોઉમાં, ત્રણ દિવસમાં ૬૧૭.૧ મીમી વરસાદ પડ્યો,હેનાન પ્રાંતમાં એક હજાર વર્ષમાં આ સૌથી ભારે વરસાદ હતો.

Author : Gujaratenews

ચીનમાં ભારે વરસાદે તારાજી સર્જી ૮ હજારથી વધુ લોકો પ્રભાવિતઃ 21નાં મોત

Related Articles

૭ માર્ચે સુરત અને ૮ માર્ચે નવસારી... પીએમ મોદી ફરી બે દિવસની ગુજરાત...

ઉમરા-વેલંજાની કાયાપલટ થશે : 32 કરોડના ખર્ચે ગોથાણથી રંગોલી ચોકડી હ...

સામાન્ય વર્ગ માટે ખુશખબર : ગેરંટી વગર 5 ટકા વ્યાજ પર રૂ. 3 લાખની લોન ...

પીએમ મોદી ગુજરાત પ્રવાસે, આજે ગીરમાં જંગલ સફારીનો આનંદ માણ્યો...

ગીર જંગલમાં પીએમ મોદીની સિંહ સફારી, આ શૈલીમાં જોવા મળી...

ખેડૂતો માટે ખુશખબર : જાણો સરકારની સ્માર્ટ હેન્ડ ટૂલ કીટ સહાય યોજન...

બુલેટ ટ્રેનમાં જૂનિયર એન્જિનીયરની ભરતી... આ છે ફોર્મ ભરવાની છેલ્લ...

અરવલ્લીના ભિલોડા ખાતેગુજરાત પ્રદેશ દ્વારા વનયાત્રા તથા વ્યસનમુ...

ચીનમાં ભારે વરસાદે તારાજી સર્જી ૮ હજારથી વધુ લોકો પ્રભાવિતઃ 21નાં મોત

Related Articles

Brief News

Contributer News