સુરતના ચકચારભર્યા ગ્રીષ્મા હત્યા કેસમાં આરોપી ફેનિલની ફાંસીની સજા સામેની અપીલ હાઇકોર્ટમાં દાખલ

29-Jun-2022

અમદાવાદ : રાજયભરમાં ભારે ખળભળાટ મચાવનાર સુરતના ગ્રીષ્મા હત્યા કેસમાં આરોપી ફેનીલ ગોયાણીએ આખરે નીચલી કોર્ટે તેને ફટકારેલી ફાંસીની સજા સામે ગુજરાત હાઇકોર્ટમાં કરેલી ક્રિમીનલ અપીલ આજે હાઇકોર્ટે દાખલ કરી હતી. જો કે, કેસની સુનાવણી દરમ્યાન આરોપીના વકીલ તરફથી હાઇકોર્ટને અનુરોધ કરાયો હતો. જો કે, હાઇકોર્ટે તેમને સાફ શબ્દોમાં સુણાવ્યું હતું કે, તમારી પહેલાં અન્ય કેસોમાં સજા પામેલા દોષિતો દસ-બાર વર્ષથી જેલમાં છે અને તેઓની સજા સામેની અપીલો પેન્ડીંગ છે ત્યારે તમારી અપીલ સાંભળવામાં પ્રાથમિકતા આપી શકાય નહી.
સુરતમાં ગત ફેબ્રુઆરી મહિનામાં ૨૧ વર્ષીય ગ્રીષ્મા વેકરીયા નામની યુવતીની એકતરફી પ્રેમમાં પાગલ આરોપી ફેનીલ ગોયાણીએ ગળાના ભાગે ઠંડા કેલેજે ચપ્પુ ચલાવી જાહેરમાં કરપીણ હત્યા કરી હતી, જેને લઇ સુરત સહિત ગુજરાતભરમાં ભારે ચકચાર મચી ગઇ હતી. ચકચારભર્યા એવા આ કેસમાં સુરત સેશન્સ કોર્ટે તા.૫ મેના રોજ એક સીમાચિહ્નરુપ ચુકાદા મારફતે આ કેસને રેરેસ્ટ ઓફ ધ રેર કેસ ગણાવી આરોપી ફેનીલને ફાંસીની મહત્તમ સજા ફટકારી હતી.
ટ્રાયલ કોર્ટના આ ચુકાદા બાદ રાજય સરકાર દ્વારા આરોપી ફેનીલને તાત્કાલિક ફાંસીની સજા ફટકારવાની માંગણી સાથે કન્ફર્મેશન કેસને લઇ હાઇકોર્ટમાં પહેલેથી જ અપીલ દાખલ કરી દેવાઇ છે. બાદમાં આરોપી ફેનીલે ટ્રાયલ કોર્ટની ફાંસીની સજા હળવી કરવા નીચલી કોર્ટના હુકમને પડકારતી ક્રિમીનલ અપીલ ફાઇલ કરી હતી, જે આજે હાઇકોર્ટે દાખલ કરી હતી. હવે આવનારા દિવસોમાં આ અપીલો ચાલવા પર આવશે અને તેની સુનાવણી હાથ ધરાશે.

Author : Gujaratenews

સુરતના ચકચારભર્યા ગ્રીષ્મા હત્યા કેસમાં આરોપી ફેનિલની ફાંસીની સજા સામેની અપીલ હાઇકોર્ટમાં દાખલ

Related Articles

ફોરએવર મિસ ટીન ઈન્ડિયા ગ્રાન્ડ ફિનાલે સીઝન 6ના ઓડિશનની શરૂઆત થઈ ...

ફોરએવર મિસેજ ઈન્ડિયા ગ્રાન્ડ ફિનાલે સીઝન 6ના ઓડિશનની શરૂઆત થઈ...

હોર્મુઝમાં તણાવ, સુરત સુધી અસર!...

કેટવોકથી લઈને તાજ જીતવા સુધી ફોરએવર યુનિવર્સ અને ઇન્ડિયા ગ્રાન્...

ફોરએવર યુનિવર્સ અને ઇન્ડિયા ગ્રાન્ડ ફિનાલે સીઝન 5નો જાદુ ઝી સ્ટુ...

છેલ્લા ૬૫ વર્ષથી ધરતી ધબકે છે, પૃથ્વીના ૨૬ સેકન્ડના રહસ્યમય કંપન...

હનિમુનથી હિલ સુધીના લક્ઝુરિયસ ડેસ્ટિનેશનઃ 30 હજાર રુપિયાથી શરુ થ...

ભારતની અદભુત 10 પર્વતમાળાઓ બની પ્રવાસનના આકર્ષણનું કેન્દ્ર...

સુરતના ચકચારભર્યા ગ્રીષ્મા હત્યા કેસમાં આરોપી ફેનિલની ફાંસીની સજા સામેની અપીલ હાઇકોર્ટમાં દાખલ

Related Articles

Brief News

Contributer News