પાલનપુર: થરાદમાં ખીલની સારવાર બાદ કિશોરીનું મોત થતાં સમગ્ર વિસ્તારમાં ચકચાર મચી છે. મૃતક કિશોરીના પરિવારે જે જે હોસ્પિટલના તબીબે સારવારમાં બેદરકારી દાખવ્યાની ફરિયાદ નોંધાવતા થરાદ પોલીસે કલમ 304 હેઠળ ડોક્ટર જે જે પટેલ સામે ગુનો દાખલ કરીને આગળની તપાસ હાથ ધરી છે. તબીબે એમ.એસ.ની ડીગ્રી ધરાવે છે.
થરાદની જે જે હોસ્પિટલના તબીબે સૂઈગામના ગોલપ નેસડા ગામની 12 વર્ષની છોકરીને કાનની નીચે ખીલની સારવાર દરમિયાન ચેકો મૂકતા ધોરી નસ કપાઈ જતાં મોત થયું હોવાના આક્ષેપ સાથે ડોક્ટર સામે થરાદ પોલીસમાં ફરિયાદ નોંધાવી છે. પરિવારજનોએ દર્દીના મોત અંગે ડોક્ટર તથા હોસ્પિટલના સત્તાધીશો દ્વારા અલગ-અલદ કારણ દર્શાવાયાનો આક્ષેપ પણ કર્યો છે.ફરિયાદ મુજબ સુઈગામ તાલુકાના નેસડાગોલપ ગામના મેઠાભાઈ રાઠોડની નાની પુત્રી ભુમીબેન (12)ને કાનની નીચેના ભાગમાં ખીલ થતાં 21 મેના રોજ થરાદની જે જે પટેલ હોસ્પિટલમાં સારવાર અર્થે લવાઈ હતી.
જ્યાં ડોક્ટરે સાંજે 4 વાગ્યે ચેકો મારી ખીલમાંથી રસી કાઢતાં 23મીએ બપોરના 12 વાગ્યે ડોકટર પાસેથી રજા લઇને ઘરે ગયા બાદ ડૉક્ટરના કહ્યા મુજબ બીજા દિવસે ડ્રેસિંગ કરાવવા માટે આવ્યા હતા. ભુમીને તાવ આવતો હોવાથી તબીબને તેની દવા કરવાનું કહેતા ડોક્ટરે સારવાર કરવાની જગ્યાએ દાદાગીરી અને અપશબ્દો બોલીને સારવાર કરવાની ના પાડી હતી. ત્યારબાદ ભૂમિને સારવાર માટે પાલનપુરની સિવિલ હોસ્પિટલ લઈ જતાં જાણવા મળ્યું કે, દર્દીની કાન નીચે આવેલી ધોરી નસ કપાઈ ગઈ છે. જેથી પરિવાર ભૂમિને તાત્કાલિક અમદાવાદ સિવિલ લઈ જવાનું નક્કી કર્યું પરંતુ રસ્તામાં જ ભાન્ડું પાસે કિશોરીનું મોત થતાં પરિવાર પર આભ તૂટી પડ્યું હતું.
ડોક્ટરનું શું કહેવું છે?: થરાદની જેજે પટેલ હોસ્પિટલના ડૉક્ટર જે જે પટેલ સામે સારવારમાં બેદરકારી દાખવવાના કારણે પુત્રીનું મોત થયાની પોલીસ ફરિયાદ નોંધાવી હતી. આ મામલે ડો જે જે પટેલનું કહેવું છે કે, ભૂમિ નામના દર્દીને કાન પાસે ખીલ હોવાથી ચીરો મારીને સારવાર કરી હતી પરંતુ ડાયાબિટીસ હોવાથી ઘા ઉપર રૂઝ આવી નહીં અને પછી શું થયું એની ખબર નહી.
ડોક્ટરે પરિવારને ધમકાવ્યાનો વિડીયો વાયરલ: ડોક્ટરને બેદરકારીને કારણે છોકરી 5 દિવસ સુધી કણસી અને મૃત્યુ પામતા તેના પરિવારે ડોક્ટર તથા હોસ્પિટલના સત્તાધીશો દ્વારા અલગ અલગ કારણ દર્શાવ્યાનો પણ આક્ષેપ કરતા પોલીસ દ્વારા વધુ તપાસ હાથ ધરવામાં આવી છે. થરાદ હોસ્પિટલના ડોક્ટર જે જે પટેલે ફરી સારવાર કરવા ડોક્ટરની ચેમ્બરમાં ગયેલા લોકોને અભદ્ર શબ્દો બોલી હાથમાં હોકી લઈને બહાર કાઢ્યા હોવાનો વિડીયો પણ સામે આવ્યો છે.
દર્દીને હાઇપર સુગર, રિસ્ક હોવાનું પરિવારને જણાવાયું હતું
ડોક્ટર જે.જેે પટેલે જજ્ઞાવ્યું કે પુર્વ જીલ્લા આરોગ્ય અધિકારી ડૉ.અરૂણ આચાર્યના રેફરન્સથી સારવાર માટે આવ્યું હતું. જે દર્દીને ડાયાબિટીસ હતું. જે જન્મથી ઇંજેક્શન પણ લેતું હતું. તો પણ હોસ્પિટલની જોખમ લેવાની તૈયારી છતાં તેના સગા ફોર્મમાં સહી કરતા ન હતા.
22-Jan-2025