સુરતમાં વિદેશવાળી!!! જીએસટી કચેરીમાં મહિલા કર્મીએ અધિકારીને ઓફિસમાં તસતસ્તુ ચુંબન કરી દીધું

પ્રતિકાત્મક તસવીર.

જીએસટીમાં મહિલા કર્મચારીનો આવેગના ઉછાળા મારતો પ્રેમ સમગ્ર જીએસટી આલમમાં ચર્ચાનો વિષય બન્યો છે.જીએસટીના એક અધિકારીની પાછળ મહિલા સહકર્મચારીને પ્રેમ ઉભરાઇ આવતા ઓફિસમાં જ એક દિવસ આવેગમાં આવીને તસતસતું ચુંબન કરી લીધું હતું. જીએસટી વર્તુળમાં આ ઘટના ચર્ચાનો વિષય બની છે. અચાનક મહિલા સહકર્મચારીએ કરેલા આવા વર્તનથી ગભરાયેલા અધિકારીએ મહિલા કર્મચારીને પોતાની ઓફિસમાં આવવા પર પ્રતિબંધ ફરમાવી દીધો છે. તેમ છતાં કોઇ પણ કામ માટે આવે તો બે કર્મચારીની સાથે જ અંદર આવવા દેવાની સૂચના પણ આપી હોવાની વિગતો જાણવા મળી છે.

જીએસટીના અધિકારી ઓફિસના કામ માટે મહિલા કર્મચારીને જરૂરી સૂચના આપવા કેમિટિંગ માટે અન્ય કર્મચારીને મળતા હોય તે જ પ્રમાણે મળવાનું થતું હોય છે, પરંતુ મહિલા કર્મચારીને દેખાવડા એવા અધિકારી પર પ્રેમ ઉભરાઇ આવતા હાલ તો પ્રેમ આફતરૂપ સાબિત થઈ રહ્યો છે, કારણ કે એક દિવસ ઓફિસ ડ્યુટી દરમિયાન જ મહિલા સહકર્મચારીએ તેમની ઓફિસમાં જઇને અચાનક ચુંબન કરી લીધું હતું. તેનાથી અધિકારી તાબડતોબ ઓફિસની બહાર નીકળી ગયા હતા તે દિવસથી આજ દિવસ સુધી આ કર્મચારીને ઓફિસમાં આવવા પર પ્રતિબંધ લગાવી દીધો છે. તેમ છતાં કામ માટે આવે તો તેમની સાથે અન્ય મહિલા કર્મચારી અને પુરુષ કર્મચારીને મોકલવાનું કહી દીધું છે. મહિલા કર્મચારી દ્વારા કરવામાં આવેલી આ હરકત શહેરમાં ચર્ચાનો વિષય બની છે.

પ્રેમમાં ગળાડુબ મહિલાએ પાસવર્ડ અધિકારીના નામતો રાખ્યો

પ્રેમમાં પાગલ થયેલી મહિલા સહ કર્મચારીએ પોતાના કોમ્પ્યુટરનો પાસવર્ડ પણ જેના પ્રેમમાં ભાન ભૂલી છે તેવા અધિકારીના નામે રાખ્યો હોવાની વિગતો જાણવા મળી છે, કારણ કે એક દિવસ કોમ્પ્યુટર બંધ થઇ જતા તેને રિપેર કરવા માટે માણસને બોલાવવામાં આવ્યો હતો. ત્યારબાદ તેને રિપેર કર્યા બાદ પાસવર્ડ જણાવવાની વાત કરતા આપવાની જ ના પાડી દીધી હતી, પરંતુ કોમ્પ્યુટર શરૂ કરવા માટે જરૂરી હોવાથી આખરે જાતે જ પાસવર્ડ ટાઇપ કર્યો હતો, પરંતુ જે અક્ષર ટાઇપ કર્યા તે અધિકારીના નામના હોવાની વાતો પણ ચર્ચાના ચગડોળે ચડી છે.

ઘરના પ્રસંગમાં પહોંચી જતા અધિકારી ભાગતા થઈ ગયા

ઓફિસમાં મહિલા કર્મચારી દ્વારા કરવામાં આવેલી આ કરતૂત અંગે પરિવારના કોઇ સભ્યને જાણ કરવામાં આવી નહોતી, પરંતુ અધિકારીના ઘરે રાખવામાં આવેલા એક પ્રસંગમાં મહિલા કર્મચારી પણ અચાનક પહોંચી ગઇ હતી. પોતાના ઘરના પ્રસંગમાં મહિલા કર્મચારીને આવેલી જોઇને અધિકારીની આંખ પહોળી થઇ ગઇ હતી. તેમજ ઓફિસમાં કરેલી કરતૂત અચાનક યાદ આવી ગયા બાદ પોતાના ઘરે પણ આવી જ કોઇ કરતુત કરે તે પહેલા અધિકારી ભાગતા થઇ ગયા હતા. તેમજ જ્યાં સુધી મહિલા કર્મચારી ઘરના પ્રસંગમાંથી વિદાય નહીં થઇ ત્યાં સુધી દેખાયા સુધ્ધાં નહીં હોવાની પણ વિગતો જાણવા મળી છે.