સૌથી ખરાબ સમાચાર: યુક્રેન ધણધણ્યુ, 300 લોકોના મોત થયાનો યુક્રેનના ગૃહ પ્રધાનનો દાવો, કીવ એરપોર્ટ ખાલી કરાવાયું, 50 ભારતીયો ફસાયા હોવાનો અહેવાલ

રશિયા અને યુક્રેન વચ્ચે યુદ્ધ છેડાઈ ગયું છે. યુક્રેનની સરહદ નજીક ધણધણાટી ચાલુ છે. રશિયન સૈનિકો અને હથિયારો તૈનાત કરવામાં આવ્યા છે. રશિયા વારંવાર કહી ચૂક્યું છે કે તે યુદ્ધ નથી ઈચ્છતું, પરંતુ તેના દ્વારા લેવામાં આવેલા પગલાં શંકા પેદા કરી રહ્યા છે. બીજી તરફ, રશિયન રાષ્ટ્રપતિ વ્લાદિમીર પુતિને જાહેરાત કરી દીધી છે. અમેરિકાએ કહ્યું છે કે યુક્રેનની સરહદ પાસે તૈનાત સૈનિકો યુદ્ધ માટે સંપૂર્ણ રીતે તૈયાર છે.

24 Feb 2022 11:57 PM (IST)

વિદેશ મંત્રી એસ. જયશંકરે યુક્રેનની સ્થિતિ પર સ્લોવાકિયા સાથે કરી વાત

વિદેશ મંત્રી એસ. જયશંકરે સ્લોવેકિયાના વિદેશ મંત્રી ઇવાન કોર્કો સાથે વાત કરી હતી. વિદેશ મંત્રીએ કહ્યું, “યુક્રેનની સ્થિતિ પર ચર્ચા થઈ. સ્લોવાકિયા દ્વારા ભારતીય નાગરિકોને બહાર કાઢવા માટે આપવામાં આવેલી સુવિધા માટે તેમની પ્રશંસા કરવામાં આવી હતી.”

વિદેશ મંત્રી એસ. જયશંકર

24 Feb 2022 11:43 PM (IST)

રશિયન સેનાએ ચેરનોબિલના પરમાણુ પ્લાન્ટ પર કર્યો કબજો – યુક્રેન રાષ્ટ્રપતિ

ત્રીજા વિશ્વયુદ્ધનો ખતરો વિશ્વમાં દરેક ક્ષણે મંડરાઈ રહ્યો છે. દરમિયાન, યુક્રેનના રાષ્ટ્રપતિનું કહેવું છે કે રશિયન સેનાએ ચેરનોબિલના પરમાણુ પ્લાન્ટ પર કબજો કરી લીધો છે.

24 Feb 2022 11:00 PM (IST)

દક્ષિણ યુક્રેનમાં રશિયન હુમલામાં 9 સૈનિકો સહિત 22 લોકોના મોત

દક્ષિણ યુક્રેન વિસ્તારમાં રશિયાના હુમલામાં 13 નાગરિકો માર્યા ગયા છે, જ્યારે 9 સૈનિકો માર્યા ગયા છે. અહીં હુમલાના કારણે ઘણા દેશો રશિયા પર પ્રતિબંધો લગાવી રહ્યા છે. બ્રિટિશ વડાપ્રધાન બોરિસ જોન્સને સંસદમાં યુક્રેન પર એક નિવેદનમાં જણાવ્યું હતું કે રશિયન બેંકોને પ્રતિબંધો હેઠળ લંડનની નાણાકીય વ્યવસ્થામાંથી બહાર રાખવામાં આવશે.

24 Feb 2022 10:57 PM (IST)

પીએમ મોદીએ રાષ્ટ્રપતિ પુતિન સાથે કરી વાત

વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિન સાથે વાત કરી હતી. રાષ્ટ્રપતિ પુતિને યુક્રેનને લગતી તાજેતરની ઘટનાઓ અંગે વડાપ્રધાનને માહિતી આપી હતી. પીએમએ તેમની લાંબા સમયથી ચાલતા વિશ્વાસનો પુનરોચ્ચાર કર્યો હતો કે રશિયા અને નાટો વચ્ચેના મતભેદો માત્ર પ્રામાણિક અને ગંભીર વાતચીત દ્વારા જ ઉકેલી શકાય છે. પીએમઓએ આ જાણકારી આપી છે.

24 Feb 2022 10:51 PM (IST)

આજે યુક્રેનના વિદેશ મંત્રી સાથે વાત થશે તેવી અપેક્ષા – ભારતીય વિદેશ સચિવ હર્ષ વી શ્રૃંગલા

ભારતના વિદેશ સચિવ હર્ષ વી શ્રૃંગલાએ કહ્યું કે યુકે, યુએસ, ઓસ્ટ્રેલિયા, જાપાન વગેરે દ્વારા રશિયા પર કેટલાક પ્રતિબંધો લાદવામાં આવ્યા છે. આપણે જોવું પડશે કે આ પ્રતિબંધો આપણા હિતોને કેવી અસર કરશે. તે સ્વીકારવું પડશે કે કોઈપણ પ્રતિબંધો આપણા સંબંધો પર અસર કરશે. વિદેશ મંત્રી ડૉ. એસ. જયશંકર આજે યુક્રેનના વિદેશ મંત્રી સાથે વાત કરે તેવી અપેક્ષા છે.

24 Feb 2022 09:36 PM (IST)

વડાપ્રધાન મોદી થોડીવારમાં પુતિન સાથે કરશે વાત : MEA

ભારતના વિદેશ સચિવ હર્ષ વી શ્રિંગલાએ કહ્યું કે,વડાપ્રધાન નરેન્દ્ર મોદી ટૂંક સમયમાં રશિયાના રાષ્ટ્રપતિ વ્લાદિમીર પુતિન સાથે વાત કરશે. બેઠકમાં PM મોદીએ કહ્યુ છે કે, યુક્રેનમાં વિદ્યાર્થીઓ સહિત ભારતીય નાગરિકોની સુરક્ષા સરકારની સર્વોચ્ચ પ્રાથમિકતા છે.

24 Feb 2022 09:26 PM (IST)

યુક્રેન-રશિયા મુદ્દે કેન્દ્ર સરકારે સર્વપક્ષીય બેઠક બોલાવવી જોઈએઃ સલમાન ખુર્શીદ

યુક્રેન-રશિયા મામલામાં સર્વપક્ષીય બેઠક બોલાવવાના પ્રશ્ન પર કોંગ્રેસના નેતા સલમાન ખુર્શીદે કહ્યું,’સરકારે આ મામલે વિચારણા કરવી જોઈએ.આપણામાંથી બહુ ઓછાને આંતરરાષ્ટ્રીય સંબંધોનું જ્ઞાન છે. સરકારે રાજકીય પક્ષો સાથે વાત કરવી જોઈએ અને સમર્થન મેળવવું જોઈએ કારણ કે અમને આ મામલે બહુ ખબર નથી.’

24 Feb 2022 08:58 PM (IST)

ન્યુક્લિયર ફેસિલિટીમાં રશિયન સેના ઘુસી હોવાનો દાવો

યુક્રેન પર રશિયાના હુમલા તેજ થઈ રહ્યા છે.ફાઈટર જેટ હુમલાથી લોકો ડરી ગયા છે.જો કે યુક્રેનના રાષ્ટ્રપતિ વોલોડીમિર ઝેલેન્સકીએ દેશમાં ‘માર્શલ લો’ જાહેર કર્યો છે. આ દરમિયાન રશિયન સેનાએ ન્યુક્લિયર ફેસિલિટીમાં ઘુસ્યા હોવાનો દાવો કરવામાં આવ્યો છે.યુક્રેનની સેનાનુ કહેવુ છે કે કિવ નજીકના એરબેઝ માટે લડાઈ ચાલુ છે.

24 Feb 2022 08:41 PM (IST)

કિવની એક શાળામાં 200 થી વધુ ભારતીય વિદ્યાર્થીઓ એકઠા થયા

યુક્રેનમાં ભારતીય દૂતાવાસે કિવમાં દૂતાવાસની નજીકની એક શાળામાં 200 થી વધુ ભારતીય વિદ્યાર્થીઓને એકઠા કર્યા છે.

24 Feb 2022 08:02 PM (IST)

રશિયા-યુક્રેન કટોકટીથી ભારતની ચાની નિકાસ પર અસર થવાની સંભાવના

રશિયા-યુક્રેન સંકટના પગલે ચાના ઉત્પાદકો અને નિકાસકારો ચિંતિત છે, કારણ કે રશિયા ભારતીય ચાનો બીજો સૌથી મોટો આયાતકાર દેશ છે.ગુરુવારે યુક્રેન પર રશિયાના હુમલા પછી પશ્ચિમી પ્રતિબંધો અને ડોલરની ચૂકવણીમાં વિક્ષેપ થવાને કારણે ફટકો પડવાની ધારણા છે. ભારતીય ચા સંઘના નયનતારા પાલચૌધરીએ જણાવ્યુ હતુ કે,”ભારતીય ચા માટે રશિયન બજાર ખૂબ જ મહત્વપૂર્ણ છે કારણ કે ઇરાનમાં નિકાસમાં ચૂકવણીની સમસ્યાઓ છે. ભારતની ચાની નિકાસમાં રશિયાનો હિસ્સો 18 ટકા જેટલો છે.”વધુમાં તેમણે કહ્યું કે, સંઘર્ષની સ્થિતિમાં અને અમેરિકા દ્વારા પ્રતિબંધો લાદવાની શક્યતાના કારણે આગામી સત્રમાં રશિયાની નિકાસને અસર થશે.

24 Feb 2022 07:24 PM (IST)

રશિયાએ અત્યાર સુધીમાં યુક્રેન પર 203 હુમલા કર્યા

રશિયાએ ગુરુવારે સવારે યુક્રેન પર હુમલો કર્યો હતો. તાજેતરની માહિતી અનુસાર, યુક્રેન પર અત્યાર સુધીમાં 203 હુમલા કરવામાં આવ્યા છે.તમને જણાવી દઈએ કે, યુક્રેનની બોર્ડર ગાર્ડ કમિટીએ ક્રિમીઆની સરહદ ચોકી પાર કરતા રશિયન સૈન્ય ઉપકરણોની CCTV તસવીરો જાહેર કરી છે.

24 Feb 2022 07:07 PM (IST)

યુક્રેન પર રશિયાનો હુમલો યુરોપિયન ઈતિહાસનો ‘ટર્નિંગ પોઈન્ટ’: ફ્રાન્સ

ફ્રાન્સના રાષ્ટ્રપતિ ઈમેન્યુઅલ મેક્રોનનું કહેવું છે કે, યુક્રેન પર રશિયાનો હુમલો યુરોપિયન ઈતિહાસમાં “ટર્નિંગ પોઈન્ટ” છે. તેમણે કહ્યું કે, આ હુમલાના “અમારા જીવન માટે ઊંડા, કાયમી પરિણામો” હશે.
24 Feb 2022 06:44 PM (IST)
યુક્રેનનું પ્લેન થયું ક્રેશ, 14 લોકો હતા સવાર
યુક્રેનનું એક લશ્કરી વિમાન ક્રેશ થયું છે, જેમાં 14 લોકો સવાર હતા. આ વિમાન યુક્રેનની રાજધાની કિવ પાસે ક્રેશ થયું છે.
24 Feb 2022 06:27 PM (IST)
પીએમ મોદી યુક્રેન મુદ્દે ઉચ્ચ સ્તરીય બેઠક કરી શકે છે
રશિયાએ ગુરુવારે યુક્રેન પર હુમલો કર્યો હતો. આ હુમલા બાદ ઘણા દેશો યુક્રેનના સમર્થનમાં આવ્યા છે. દરમિયાન વડાપ્રધાન નરેન્દ્ર મોદી દિવસ દરમિયાન ચૂંટણી સભાઓને સંબોધ્યા બાદ સાંજે દિલ્હી પહોંચી ગયા છે. એવું કહેવામાં આવી રહ્યું છે કે, પીએમ યુક્રેન મુદ્દે ઉચ્ચ સ્તરીય બેઠક કરી શકે છે. આ બેઠકમાં વરિષ્ઠ મંત્રીઓની સાથે રાષ્ટ્રીય સુરક્ષા સલાહકાર, વડાપ્રધાન કાર્યાલયના અધિકારીઓ અને વિદેશ મંત્રાલયના ઉચ્ચ અધિકારીઓ પણ હાજર રહેશે.
24 Feb 2022 06:23 PM (IST)
યુક્રેને જાહેર કર્યો રશિયાની ઘૂષણખોરીનો વિડિયો
24 Feb 2022 06:00 PM (IST)
યુક્રેનમાં ભારતીય દૂતાવાસની ભારતીય નાગરિકો માટે ત્રીજી એડવાઈઝરી
યુક્રેનમાં ભારતીય દૂતાવાસ તેની ત્રીજી એડવાઈઝરીમાં ભારતીય નાગરિકોને જો તેઓ એવા સ્થાનો પર હોય જ્યાં એર સાયરન/બોમ્બની ચેતવણીઓ સંભળાય તો બોમ્બ શેલ્ટરો તરફ જવા માટે કહેવામાં આવ્યું છે.
24 Feb 2022 05:56 PM (IST)
રશિયા સામે આર્થિક પ્રતિબંધોના મોટા પેકેજ પર આજે સહમતિ થશે – PM બોરિસ જોન્સન
યુકેના પીએમ બોરિસ જોન્સને કહ્યું છે કે, દુખની આ ઘડીમાં હું યુક્રેનના લોકોને કહું છું કે, અમે તમારી સાથે છીએ. અમે તમારા અને તમારા પરિવાર માટે પ્રાર્થના કરીએ છીએ, અમે તમારી પડખે છીએ. હું બ્રિટિશ લોકોને કહું છું કે, અમે અમારા દેશને સુરક્ષિત રાખવા માટે બધું જ કરીશું. સાથે જ તેમણે એમ પણ કહ્યું છે કે, આજે અમારા સહયોગીઓ સાથે અમે રશિયન અર્થવ્યવસ્થા માટે તૈયાર કરવામાં આવેલા આર્થિક પ્રતિબંધોના મોટા પેકેજ પર સહમત થઈશું. આપણે સામૂહિક રીતે રશિયન તેલ અને ગેસ પરની આપણી નિર્ભરતા ઘટાડવી જોઈએ, જેના દ્વારા પુતિને પશ્ચિમી રાજકારણ પર લાંબા સમયથી પકડ જમાવી છે.
24 Feb 2022 05:42 PM (IST)
નાટો યુક્રેન સાથે ઊભું છે – NATO સેક્રેટરી જનરલ
નાટો સેક્રેટરી જનરલે કહ્યું છે કે, નાટો યુક્રેન સાથે છે. યુરોપિયન યુનિયન અને વિશ્વભરના અન્ય સહયોગી દેશો સાથે સંકલનમાં નાટો રશિયા પર ગંભીર આર્થિક પ્રતિબંધો લાદશે.
24 Feb 2022 05:31 PM (IST)
સરકાર વિદ્યાર્થીઓ અને નાગરિકોને પરત લાવવા માટે તમામ પગલાં લઈ રહી: સંરક્ષણ પ્રધાન રાજનાથ સિંહ
સંરક્ષણ પ્રધાન રાજનાથ સિંહે કહ્યું કે, સરકાર વિદ્યાર્થીઓ સહિત આપણા નાગરિકોને પરત લાવવા માટે તમામ પગલાં લઈ રહી છે. ભારત ઇચ્છે છે કે શાંતિ પ્રવર્તે અને યુદ્ધને પ્રોત્સાહન આપતી કોઇપણ પરિસ્થિતિ ઊભી ન થાય.
24 Feb 2022 05:18 PM (IST)
યુક્રેનને રશિયાથી બચાવવા માટે અમે જે પણ જરૂરી હશે તે કરીશું- NATO
નાટોના સેક્રેટરી જનરલ જેન્સ સ્ટોલ્ટનબર્ગે કહ્યું, “નાટો યુક્રેનમાં રશિયાના આક્રમણની સખત નિંદા કરે છે. અમે રશિયાને તાત્કાલિક લશ્કરી કાર્યવાહી બંધ કરવા અને યુક્રેનમાંથી ખસી જવાની હાકલ કરીએ છીએ. લોકશાહી હંમેશા નિરંકુશતા પર જીતશે. સ્વતંત્રતા હંમેશા જુલમ પર વિજય મેળવશે. અમારી પાસે અમારી એરસ્પેસને બચાવવા માટે 100 થી વધુ જેટ અને ઉત્તરથી ભૂમધ્ય સમુદ્રમાં 120 થી વધુ જહાજો છે. ગઠબંધન (યુક્રેન)ને આક્રમકતા (રશિયા)થી બચાવવા માટે અમે જે પણ જરૂરી હશે તે કરીશું. આગળની સ્થિતિ અંગે ચર્ચા કરવા માટે નાટોના નેતાઓ આવતીકાલે મળશે.
24 Feb 2022 05:10 PM (IST)
નાટો સહયોગીઓ રશિયા પર ગંભીર આર્થિક પ્રતિબંધો લાદી રહ્યા છે: નાટો સેક્રેટરી જનરલ
નાટો સેક્રેટરી જનરલે કહ્યું છે કે, નાટો યુક્રેન સાથે છે. યુક્રેન પરના તેમના અવિચારી આક્રમણ માટે નાટોના સહયોગીઓ રશિયા પર ભારે ખર્ચ લાદી રહ્યા છે. સમગ્ર વિશ્વમાં EU અને અન્ય ભાગીદારો સાથે ગાઢ સંકલનમાં નાટો સહયોગીઓ હવે રશિયા પર ગંભીર આર્થિક પ્રતિબંધો લાદી રહ્યા છે.
24 Feb 2022 05:03 PM (IST)
શું રશિયાએ કિવમાં સંરક્ષણ મંત્રાલયના એકમને નિશાન બનાવ્યું હતું?
યુક્રેનની રાજધાની કિવમાં રક્ષા મંત્રાલયના યુનિટમાં ધુમાડો નીકળતો જોવા મળી રહ્યો છે. જે વીડિયોમાં સ્પષ્ટ જોઈ શકાય છે.
24 Feb 2022 05:01 PM (IST)
નાટો શુક્રવારે વીડિયો શિખર સમ્મેલન આયોજીત કરશે
યુક્રેન પર રશિયન આક્રમણને લઈને નાટો શુક્રવારે વીડિયો સમિટ યોજશે. તે જ સમયે, જર્મન ચાન્સેલર ઓલાફ શોલ્ઝને યુક્રેન પર આક્રમણને લઈને રવિવારે સંસદની ઈમરજન્સી બેઠક બોલાવી છે. તેમણે કહ્યું કે પુતિન “યુરોપમાં શાંતિને જોખમમાં મૂકે છે”.
24 Feb 2022 04:48 PM (IST)
કેન્દ્ર સરકાર યુક્રેનમાંથી 18000 ભારતીયોને બહાર લાવવા માટે પગલાં લઈ રહી છે: વિદેશ મંત્રાલય
વિદેશ મંત્રાલય યુક્રેનમાંથી વિદ્યાર્થીઓ સહિત લગભગ 18,000 ભારતીયોને પરત લાવવા માટે પગલાં લઈ રહ્યું છે. યુક્રેનમાં એરસ્પેસ બંધ હોવાથી ભારતીય નાગરિકોને બહાર કાઢવા માટે વૈકલ્પિક વ્યવસ્થા કરવામાં આવી રહી છે. કેન્દ્ર સરકાર તમામ ભારતીયોની સુરક્ષા સુનિશ્ચિત કરશે. આ માહિતી વિદેશ રાજ્ય મંત્રી વી. મુરલીધરને આપી છે.
24 Feb 2022 04:45 PM (IST)
ફ્રાન્સના રાષ્ટ્રપતિ ઈમેન્યુઅલ મેક્રોને કહ્યું, જલ્દી નાટો સમિટ બોલાવો
ફ્રાન્સના રાષ્ટ્રપતિ ઇમેન્યુઅલ મેક્રોને યુક્રેન પર રશિયાના હુમલાને લઈને “શક્ય તેટલી વહેલી તકે” નાટો સમિટ બોલાવાની હાકલ કરી છે.
24 Feb 2022 04:27 PM (IST)
યુક્રેનમાં ભારતીય રાજદૂત મિશન મોડમાં કરી રહ્યા છે કામ
યુક્રેનમાં ભારતીય રાજદૂતે કહ્યું છે કે, કિવમાં દૂતાવાસ ખુલ્લું છે અને કાર્યરત છે. અમે આ મુશ્કેલ પરિસ્થિતિનો ઉકેલ શોધવા માટે મિશન મોડ પર કામ કરી રહ્યા છીએ.
24 Feb 2022 04:24 PM (IST)
યુક્રેનનો નકશો અને મુખ્ય શહેરો જ્યાં વિસ્ફોટ થયા
એએફપીએ યુક્રેનિયન સરહદ રક્ષકોને ટાંકીને માહિતી આપી છે, યુક્રેનનો નકશો મુખ્ય શહેરો જ્યાં વિસ્ફોટો થયા હતા અને રશિયન દળોએ જે પ્રદેશોમાં પ્રવેશ કર્યો હતો તે સ્થાનો.
24 Feb 2022 04:12 PM (IST)
રશિયા-યુક્રેન સંકટ: બંને પક્ષોએ સંયમ રાખવો જોઈએ- નેપાળ
રશિયા-યુક્રેન સંકટ પર નેપાળે બંને દેશો વચ્ચે તણાવ ન વધે તે માટે તમામ પક્ષોને સંયમ રાખવાની અપીલ કરી છે. હકીકતમાં, રશિયાએ ગુરુવારે યુક્રેન પર હુમલો કર્યો હતો, જે પછી તેના 40 સૈનિકો માર્યા ગયા હતા અને 10 નાગરિકો માર્યા ગયા હતા.
24 Feb 2022 04:05 PM (IST)
યુક્રેન સંકટ: હરિયાણામાં કંટ્રોલ રૂમ બનાવાયો
યુક્રેનમાં વર્તમાન અનિશ્ચિતતાઓ અને તણાવને ધ્યાનમાં રાખીને, હરિયાણામાં વિદેશી સહકાર વિભાગ દ્વારા એક કંટ્રોલ રૂમની સ્થાપના કરવામાં આવી છે, જેને WhatsApp દ્વારા સંપર્ક કરવા માટે એક નંબર આપવામાં આવ્યો છે, જે 919212314595 છે. સાથે સાથે contactusatfcd@gmail.com પર મેઈલ કરીને પણ સંપર્ક કરી શકાય છે. હરિયાણા સરકારે આ માહિતી આપી છે.
24 Feb 2022 03:53 PM (IST)
યુક્રેનના તમામ નાગરિકોને શસ્ત્રો આપવામાં આવશે – રાષ્ટ્રપતિ વોલોદિમિર ઝેલેન્સકી
યુક્રેનના રાષ્ટ્રપતિ વોલોદિમિર ઝેલેન્સકીએ ટ્વીટ કર્યું કે, જે લોકો દેશની રક્ષા કરવા માંગે છે તેમને અમે હથિયાર પણ આપીશું. તે જ સમયે, અમે પ્રાદેશિક સંરક્ષણના ભાગ રૂપે હાથમાં હથિયારો સાથે આપણા દેશની રક્ષા કરવા તૈયાર હોય તેવા તમામ નાગરિકો પરના પ્રતિબંધો દૂર કરીશું.
24 Feb 2022 03:47 PM (IST)
કેન્દ્ર સરકારે યુક્રેન પર રશિયન હુમલાની નિંદા કરવી જોઈએ – મનીષ તિવારી
કોંગ્રેસના વરિષ્ઠ નેતા મનીષ તિવારીએ કહ્યું કે, ભારત સરકારે ‘યુક્રેન પર રશિયન આક્રમણ’ની સ્પષ્ટ નિંદા કરવી જોઈએ અને આ વખતે ભૂતકાળમાં સોવિયેત સંઘ દ્વારા અનેક દેશો પર હુમલો કરવામાં આવ્યો ત્યારે તેની નિંદા ન કરીને જે ભૂલ કરવામાં આવી હતી તે આ વખતે ન કરવી જોઈએ. પાર્ટીના અન્ય એક વરિષ્ઠ નેતા શશિ થરૂરે કહ્યું કે, ભારત સરકારે રશિયાને યુક્રેનમાં તેની કાર્યવાહી રોકવા માટે કહેવું જોઈએ.
24 Feb 2022 03:44 PM (IST)
યુક્રેને રશિયા સાથે રાજદ્વારી સંબંધો તોડી નાખ્યા
રશિયાએ ગુરુવારે યુક્રેન પર હુમલો કરતા દાવો કર્યો હતો કે, ઓછામાં ઓછા 40 યુક્રેનિયન સૈનિકો માર્યા ગયા છે. આ દરમિયાન યુક્રેને રશિયા સાથે રાજદ્વારી સંબંધો તોડી નાખ્યા છે. AFP ન્યૂઝ એજન્સીએ યુક્રેનના રાષ્ટ્રપતિ વોલોદિમિર ઝેલેન્સકીને ટાંકીને આ માહિતી આપી છે.
24 Feb 2022 03:15 PM (IST)
યુક્રેન આત્મસમર્પણ નહીં કરે: રાષ્ટ્રપતિ વોલોદિમિર ઝેલેન્સકી
યુક્રેનના રાષ્ટ્રપતિ વોલોદિમિર ઝેલેન્સકીએ કહ્યું કે, યુક્રેન રશિયાને શરણે નહીં જાય. અમે રશિયા સામે ઝૂકીશું નહીં. તેમણે કહ્યું કે, અમારી સેના રશિયાને જડબાતોડ જવાબ આપી રહી છે.
24 Feb 2022 03:13 PM (IST)
હુમલા પછીની સ્થિતિ પર યુક્રેનના રાષ્ટ્રપતિની બેઠક
Russia Ukraine War 04
યુક્રેનના રાષ્ટ્રપતિ વોલોદીમિર ઝેલેન્સ્કી હુમલા બાદ પરિસ્થિતિ પર બેઠક કરી રહ્યા છે.
24 Feb 2022 03:11 PM (IST)
રશિયન હુમલાથી ક્ષતિગ્રસ્ત ઘર
ક્ષતિગ્રસ્ત ઘર જોતી મહિલા
24 Feb 2022 03:02 PM (IST)
બાઈડેને બોલાવી ઈમરજન્સી બેઠક
રશિયન હુમલા વચ્ચે અમેરિકી રાષ્ટ્રપતિ જો બિડેને ઈમરજન્સી બેઠક બોલાવી છે. આ બેઠકમાં વિદેશ મંત્રી, સંરક્ષણ મંત્રી, NSA અને આર્મી ચીફ આપશે હાજરી.
24 Feb 2022 02:55 PM (IST)
50 રશિયનો માર્યા ગયા: યુક્રેન
AFPએ યુક્રેનને ટાંકીને જણાવ્યું હતું કે, તેના હુમલામાં લગભગ 50 રશિયનો માર્યા ગયા છે.
24 Feb 2022 02:52 PM (IST)
ભારતીયો માટે અન્ય વિકલ્પો જોઈએ છીએ
યુક્રેનમાં ફસાયેલા ભારતીયો માટે મોટા સમાચાર છે. ભારત સરકાર હવાઈ માર્ગ સિવાય અન્ય વિકલ્પો શોધી રહી છે. તમામ ભારતીયોને પશ્ચિમ યુક્રેનમાં રહેવા અથવા જવાનું કહેવામાં આવ્યું છે. હાલમાં હવાઈ માર્ગ શક્ય નથી. પૂર્વમાં રશિયા, ઉત્તરમાં બેલારુસ અને દક્ષિણમાં બ્લેક સી હોવાથી સ્થિતિ સર્જાઈ રહી હોય તેવું લાગી રહ્યું છે.
24 Feb 2022 02:48 PM (IST)
રાજધાની કિવમાં મોટો ટ્રાફિક જામ
Russia Ukraine War 02
રશિયન હુમલા બાદ યુક્રેનની રાજધાની કિવમાંથી મોટી સંખ્યામાં લોકો સલામત સ્થળે જવાનો પ્રયાસ કરી રહ્યા છે, જેના કારણે ત્યાં લાંબો ટ્રાફિક જામ થઈ ગયો છે.
24 Feb 2022 02:42 PM (IST)
નાગરીકોને સેનામાં જોડાવાનું આમંત્રણ: યુક્રેન
યુક્રેનના સંરક્ષણ પ્રધાન ઓલેકસી રેઝનિકોવે જણાવ્યું હતું કે, જે કોઈ પણ હથિયાર પકડવા માટે તૈયાર અને સક્ષમ છે તે ટેરિટોરિયલ ડિફેન્સ ફોર્સની રેન્કમાં જોડાઈ શકે છે, સમાચાર એજન્સી રોઈટર્સે આ દાવો કર્યો છે.
24 Feb 2022 02:35 PM (IST)
યુક્રેનમાં વણસતી સ્થિતિ વચ્ચે વિદેશ મંત્રાલયે ભારતીયો માટે જાહેર કરી એડવાઈઝરી
યુક્રેનમાં ફસાયેલા નાગરિકો માટે ભારતે જાહેર કર્યા હેલ્પલાઈન નંબર, કહ્યું- વૈકલ્પિક વ્યવસ્થા તૈયાર કરવામાં આવી રહી છે.
24 Feb 2022 02:25 PM (IST)
ભારતે હસ્તક્ષેપ કરવો જોઈએઃ યુક્રેનના રાજદૂત
નવી દિલ્હીમાં ભારતમાં યુક્રેનના રાજદૂત ઇગોર પોલિખાએ ભારતની દરમિયાનગીરીની માંગ કરી છે. રાજદૂતે કહ્યું કે, ભારતના રશિયા સાથે સારા સંબંધો છે. આવી સ્થિતિમાં પીએમ નરેન્દ્ર મોદીએ રશિયન રાષ્ટ્રપતિ પુતિન સાથે વાત કરવી જોઈએ. આ ક્ષેત્રમાં શાંતિ સ્થાપવામાં ભારત મહત્વની ભૂમિકા ભજવી શકે છે. તેમણે કહ્યું કે, અમે 5 રશિયન વિમાનોને તોડી પાડ્યા છે. રાજધાની કિવની આસપાસ હુમલા થયા છે.
24 Feb 2022 02:16 PM (IST)
યુક્રેનમાં પાટણના 30થી વધુ વિદ્યાર્થીઓ ફસાયા
યુક્રેનમાં પાટણના 30થી વઘુ વિદ્યાર્થીઓ ફસાયા હોવાની માહિતી મળી છે. આ તમામ વિદ્યાર્થીઓને પોલેન્ડ ખસેડવાની યુક્રેન એમ્બેન્સીએ તૈયારી શરૂ કરી દીધી છે. યુદ્ધીની સ્થિતીને પગલે વિદ્યાર્થીઓની પરીક્ષાઓ હવે ઓનલાઇન કરવાનો પરિપત્ર જાહેર કરી દેવામાં આવ્યો છે. યુક્રેનાં ફસાયેલા ગુજરાતી વિદ્યાર્થીઓએ જણાવ્યું છે કે યુદ્ધ શરૂ થતાં લોકોમાં ભયને માહોલ છે. લોકો જરૂરી ચીજવસ્તુઓ ખરીદવા દોડી રહ્યા છે. કીવ શહેરમાં કરીયાણુ અને ATM સેન્ટરો પર લાંબી કતારો લાગી છે. વિદ્યાર્થીઓ પણ ચિંતામાં છે.
24 Feb 2022 01:48 PM (IST)
યુક્રેનિયન સૈનિકો પીછેહઠ કરી રહ્યા છે: રશિયન સંરક્ષણ મંત્રાલય
રશિયન સંરક્ષણ મંત્રાલયે દાવો કર્યો હતો કે ગુપ્તચર માહિતી દર્શાવે છે કે યુક્રેનિયન લશ્કરી એકમો અને સૈનિકો મોટાભાગે તેમની સ્થિતિ છોડી રહ્યા છે, તેમના હથિયારો ફેંકી રહ્યા છે. યુક્રેનિયન સૈન્યના એકમોની સ્થિતિ કે જેમણે તેમના શસ્ત્રો મૂક્યા છે તે હુમલાઓને પાત્ર નથી.
24 Feb 2022 01:42 PM (IST)
રશિયા યુક્રેન હુમલાની ઘટનામાં ભારતીય વિદ્યાર્થીઓ ફસાયા
રશિયા યુક્રેન હુમલાની ઘટનામાં ભારતીય વિદ્યાર્થીઓ ફસાયા છે.
24 Feb 2022 01:41 PM (IST)
યુક્રેનની રાજધાનીમાં નાસભાગ
રશિયન હુમલા બાદ યુક્રેનના લોકોમાં રાજધાની કિવ છોડવા માટે નાસભાગ મચી ગઈ છે. જેના કારણે કિવના રસ્તાઓ ભારે જામ થઈ ગયા છે. દરમિયાન, યુક્રેનની સેન્ટ્રલ બેંકના ગવર્નરે કહ્યું છે કે તેઓ રોકડ મર્યાદા નક્કી કરી રહ્યા છે. આ પછી લોકો તેમના ખાતામાંથી એક દિવસમાં માત્ર 100,000 યુક્રેનિયન રિવનિયા ઉપાડી શકશે.
24 Feb 2022 01:40 PM (IST)
યુક્રેને ભારત પાસે કરી મદદની માંગ
યુક્રેને ભારત પાસે  મદદની માંગ કરી છે. યુક્રેનરાજદૂતે કહ્યું છે કે, નરેન્દ્ર મોદી રશિયાના રાષ્ટ્રપતિ સાથે વાત કરે

24 Feb 2022 1:40 AM (IST)

યુક્રેનના ગૃહપ્રધાનનો દાવો રશિયાના હુમલામાં યુક્રેનના 300 લોકોનાં મોત

24 Feb 2022 11:40 AM (IST)

રશિયા વધુ આક્રમક બન્યું

રશિયન પ્રમુખ પુતિને લશ્કરી કાર્યવાહીના આદેશ આપ્યા બાદ રશિયા યુક્રેન વિરુદ્ધ વધુ આક્રમક બન્યું છે. નવીનતમ માહિતી અનુસાર, રશિયન સેનાએ માહિતી આપી છે કે તેણે યુક્રેનના સૈન્ય અને હવાઈ મથકોને નિશાન બનાવીને નષ્ટ કરી દીધા છે.

24 Feb 2022 11:44 AM (IST)

30 દેશ એક સાથે મળીને રશિયા પર હુમલો કરશે

રશિયા માટે ખરાબ સમાચાર આવ્યા છે. 30 દેશ એક સાથે મળીને રશિયા પર હુમલો કરશે

24 Feb 2022 11:40 AM (IST)

યુક્રેનની સેનાનો દાવો – અમે પાંચ રશિયન પ્લેન અને હેલિકોપ્ટરને ઠાર કર્યા છે

રશિયાની સૈન્ય કાર્યવાહી વચ્ચે યુક્રેને મોટો દાવો કર્યો છે. યુક્રેનિયન સૈન્યએ કહ્યું છે કે તેણે પાંચ દુશ્મન (રશિયન) વિમાનો અને હેલિકોપ્ટરને ઠાર માર્યા છે. કહેવામાં આવી રહ્યું છે કે આ કાર્યવાહી પૂર્વ યુક્રેનમાં થઈ છે

24 Feb 2022 11:39 AM (IST)

રશિયાની સેના સતત આગળ વધી રહી છે

રશિયાની સેના યુક્રેનમાં સતત આગળ વધી રહી છે.

24 Feb 2022 11:38 AM (IST)

યુક્રેનના 5 એરફિલ્ડ પર રશિયાએ કર્યો હુમલો

યુક્રેનના 5 એરફિલ્ડ પર રશિયાએ હુમલો કર્યો છે.

24 Feb 2022 11:29 AM (IST)

યુક્રેન બોર્ડર પાસે રશિયાના ટેન્કોની લાંબી લાઈન

યુક્રેન બોર્ડર પાસે રશિયાના ટેન્કોની લાંબી લાઈન જોવા મળી છે. યુક્રેનમાં ભારે નુકસાન થયું છે.

24 Feb 2022 11:28 AM (IST)

યુદ્ધ પર NATOએ ઇમરજન્સી બેઠક બોલાવી

રશિયા-યુક્રેન વચ્ચે યુદ્ધ થતા NATOએ ઇમરજન્સી બેઠક બોલાવી છે.

24 Feb 2022 11:24 AM (IST)

બેલારૂટ્સ બોર્ડરથી રશિયાના સૈનિકો યુક્રેન પગપાળા પહોંચ્યા

બેલારૂટ્સ બોર્ડરથી રશિયાના સૈનિકો પગપાળા યુક્રેન પહોંચ્યા છે.

24 Feb 2022 11:23 AM (IST)

યુક્રેન આવ્યું એક્શનમાં

યુક્રેન એક્શનમાં આવ્યું છે. રશિયાના ફાઈટર પ્લેનને તોડી પાડયું છે.

24 Feb 2022 11:22 AM (IST)

યુક્રેનના વધુ એક એરપોર્ટ પર હુમલો

યુક્રેનના વધુ એક એરપોર્ટ પર હુમલો થયો છે.

24 Feb 2022 11:19 AM (IST)

યુક્રેન ફ્રાન્સ અને તુર્કીના સંપર્કમાં છે

રશિયન હુમલા બાદ યુક્રેનના રાષ્ટ્રપતિ વોલોડીમિર ઝેલેન્સકીએ ફ્રાન્સના રાષ્ટ્રપતિ અને તુર્કીના રાષ્ટ્રપતિ સાથે વાતચીત કરી.

24 Feb 2022 11:18 AM (IST)

NOTAM ને કારણે ફ્લાઇટ પરત ફરી

દેશમાં યુદ્ધની સ્થિતિ સર્જાયા બાદ યુક્રેને તેના દેશની અંદર સિવિલ એરક્રાફ્ટની ઉડાન પર પ્રતિબંધ લગાવી દીધો છે. NOTAM (એર મિશન માટે નોટિસ) જાહેર કરવામાં આવી છે. જેના કારણે ભારતીયોને લાવવા રવાના થયેલી એર ઈન્ડિયાની બીજી સ્પેશિયલ ફ્લાઈટ AI-1947 ખાલી હાથે પરત ફરી રહી છે. આ ફ્લાઇટ આજે સવારે યુક્રેનના બોરીસ્પિલ એરપોર્ટ માટે રવાના થયું હતું, પરંતુ હવે પરત ફરી રહ્યું છે.

24 Feb 2022 11:17 AM (IST)

રશિયાને SWIFTથી અલગ કરવાની માંગ

યુક્રેનના વિદેશ મંત્રી કુલેબાએ રશિયાને SWIFTથી અલગ થવા વિનંતી કરી છે.

24 Feb 2022 11:16 AM (IST)

યુક્રેનમાં ઉડાન ભરી રહ્યા છે રશિયાના ફાઈટર જેટ

રશિયાના ફાઈટર જેટ યુક્રેનમાં ઉડાન ભરી રહ્યા છે

24 Feb 2022 11:09 AM (IST)

દુનિયા સામે વિશ્વ યુદ્ધનો ખતરો

દુનિયા સામે વિશ્વ યુદ્ધનો ખતરો જોવા મળી રહ્યો છે.

24 Feb 2022 11:08 AM (IST)

યુક્રેનની મદદ માટે અમેરિકાના 2 બોમ્બરે ભરી ઉડાન

યુક્રેનની મદદ માટે અમેરિકાના 2 બોમ્બરે ઉડાન ભરી છે.

24 Feb 2022 09:22 AM (IST)

રશિયાએ યુક્રેનના 13 શહેરો પર એક સાથે હુમલો કર્યો

રશિયાએ એક સાથે યુક્રેનના 13 શહેરો પર હુમલો કર્યો છે. રાજધાની કિવ સહિત યુક્રેનના પૂર્વ ભાગમાં આવેલા શહેરોને નિશાન બનાવવામાં આવ્યા છે.

24 Feb 2022 09:22 AM (IST)

કિવ એરપોર્ટ પર રશિયાનો કબ્જો

રશિયાએ યુક્રેનના રાજધાની કિવ પર મિસાઈલ એટેક કરીને એરબેઝ પર કબ્જો કરવામાં આવ્યો છે. એરપોર્ટ નજીક 50 ભારતીયો ફસાયા હોવાના અહેવાલ છે.

24 Feb 2022 09:20 AM (IST)

અમે યુદ્ધને તાત્કાલિક મુલતવી રાખવાની અપીલ કરીએ છીએઃ ભારત

રશિયા-યુક્રેન વિવાદ પર સંયુક્ત રાષ્ટ્રમાં ભારતના સ્થાયી પ્રતિનિધિ ટી.એસ. તિરુમૂર્તિએ કહ્યું કે અમે યુદ્ધને તાત્કાલિક સ્થગિત કરવાની અપીલ કરીએ છીએ, પરિસ્થિતિ મોટા સંકટમાં ફેરવાઈ જવાની અણી પર છે. જો તેને કાળજીપૂર્વક સંભાળવામાં ન આવે તો તે સુરક્ષાને નબળી બનાવી શકે છે. તમામ પક્ષકારોની સુરક્ષાને ધ્યાનમાં રાખવી જોઈએ.

24 Feb 2022 09:19 AM (IST)

જે દેશ રશિયા-યુક્રેન વિવાદની વચ્ચે આવશે તેની સામે પણ કાર્યવાહી કરવામાં આવશે

રશિયાના રાષ્ટ્રપતિ વ્લાદિમીર પુતિને પણ યુક્રેનમાં રશિયન ઓપરેશનમાં હસ્તક્ષેપ કરનાર દેશ સામે બદલો લેવાની પ્રતિજ્ઞા લીધી છે.

24 Feb 2022 09:18 AM (IST)

યુક્રેનના અનેક શહેરોમાં વિસ્ફોટના સમાચાર છે

યુક્રેનના ઘણા શહેરોમાં વિસ્ફોટના અહેવાલ છે. કાળો સમુદ્ર નજીક ઓડેસામાં બે શક્તિશાળી વિસ્ફોટ થયા છે. રાજધાની કિવમાં પણ બે જોરદાર વિસ્ફોટ સંભળાયા હતા. CNN સંવાદદાતાએ પણ ખાર્કિવમાં થયેલા વિસ્ફોટોની માહિતી આપી છે. ક્રેમેટોર્સ્ક, બર્દ્યાન્સ્ક અને નિકોલેવ શહેરોમાં વિસ્ફોટો સાંભળવામાં આવ્યા હતા.

24 Feb 2022 09:10 AM (IST)

યુક્રેનના રાષ્ટ્રપતિની રશિયાને ભાવુક અપીલ, કહ્યું- યુક્રેનના લોકો શાંતિ ઈચ્છે છે

સરહદ પર સતત વધી રહેલા તણાવ વચ્ચે, યુક્રેનના રાષ્ટ્રપતિ વોલોડીમિર ઝેલેન્સકી ટીવી પર લાઇવ આવ્યા અને યુદ્ધને ટાળવા માટે જુસ્સાદાર અપીલ કરી. તેમણે રશિયન લોકોને રશિયા-યુક્રેનના સહિયારા ઇતિહાસ અને સંસ્કૃતિની પણ યાદ અપાવી હતી. ઝેલેન્સકીએ કહ્યું કે તેણે વ્લાદિમીર પુતિનને પણ ફોન કર્યો હતો, પરંતુ કોઈ જવાબ મળ્યો નહોતો. યુક્રેનના રાષ્ટ્રપતિએ કહ્યું કે તેમનો દેશ શાંતિ ઈચ્છે છે.

24 Feb 2022 09:09 AM (IST)

યુક્રેન પર મિસાઈલ હુમલો

યુક્રેનના ચાર શહેરોમાં મિસાઈલ હુમલા થયા છે. કિવ, ખાર્કિવ સહિત ચાર શહેરો પર મિસાઈલ છોડવામાં આવી છે. આ રીતે યુદ્ધનો ખતરો વધી રહ્યો છે.

યુક્રેનને નરસંહારથી મુક્ત કરવું પડશેઃ રશિયા

સંયુક્ત રાષ્ટ્રમાં રશિયાના પ્રતિનિધિએ કહ્યું કે રાષ્ટ્રપતિ વ્લાદિમીર પુતિન દ્વારા જાહેર કરાયેલી વિશેષ કાર્યવાહી યુક્રેનના લોકોની સુરક્ષા માટે છે, જેઓ વર્ષોથી પીડિત છે. અમારો ધ્યેય યુક્રેનને નરસંહારથી મુક્ત કરવાનો છે. તેમણે કહ્યું કે આ નિર્ણય સંયુક્ત રાષ્ટ્ર ચાર્ટરની કલમ 51 અનુસાર લેવામાં આવ્યો છે, અમે યુક્રેનની સ્થિતિનું વિશ્લેષણ કરીશું.

24 Feb 2022 09:52 AM (IST)

રશિયા એટેકમાં હાઈડ્રો પાવર સ્ટેશન પર હુમલો

રશિયા એટેકમાં હાઈડ્રો પાવર સ્ટેશન પર હુમલો થતા તબાહ થઇ ગયું છે.

24 Feb 2022 09:51 AM (IST)

યુરોપમાં 100 વર્ષના સૌથી વિનાશક યુદ્ધની આશંકા

યુરોપમાં 100 વર્ષના સૌથી વિનાશક યુદ્ધની આશંકા છે. આ નિવેદન યુએનના મહાસચિવનું નિવેદન સામે આવ્યું છે.

24 Feb 2022 09:48 AM (IST)

યુક્રેનના પૂર્વીય બંદર શહેર મેરીયુપોલમાં જોરદાર વિસ્ફોટ થયો

રશિયાએ યુદ્ધની ઘોષણા કર્યા બાદ યુક્રેનના પૂર્વીય બંદર શહેર મેરીયુપોલમાં શક્તિશાળી વિસ્ફોટો સંભળાયા હતા.

24 Feb 2022 09:48 AM (IST)

યુક્રેન પોતાનો બચાવ કરશે અને જીતશે: વિદેશ પ્રધાન દિમિત્રો કુલેબા

યુક્રેનના વિદેશ મંત્રી દિમિત્રો કુલેબાએ કહ્યું છે કે યુક્રેન પોતાનો બચાવ કરશે અને જીતશે. પુતિને હમણાં જ યુક્રેન પર સંપૂર્ણ પાયે આક્રમણ શરૂ કર્યું છે. યુક્રેનના શાંતિપૂર્ણ શહેરો હુમલા હેઠળ છે. આ આક્રમકતાનું યુદ્ધ છે. વિશ્વ પુતિનને રોકી શકે છે અને રોકવું જોઈએ. હવે પગલાં લેવાનો સમય છે.

24 Feb 2022 09:46 AM (IST)

બાઈડન G7 સમકક્ષોને મળશે

અમેરિકી રાષ્ટ્રપતિ જો બાઈડને કહ્યું છે કે હું આજે સાંજે વ્હાઇટ હાઉસથી પરિસ્થિતિ પર નજર રાખીશ અને અમારી રાષ્ટ્રીય સુરક્ષા ટીમ પાસેથી નિયમિત અપડેટ મેળવીશ. આવતીકાલે સવારે હું મારા G7 સમકક્ષોને મળીશ. અમે અમારા નાટો સહયોગીઓ સાથે સંકલન કરીશું.

24 Feb 2022 09:45 AM (IST)

રશિયા-યુક્રેન યુદ્ધની વચ્ચે ભારતીયો માટે સારા સમાચાર

રશિયા-યુક્રેન યુદ્ધની વચ્ચે ભારતીયો માટે સારા સમાચાર સામે આવ્યા છે. યુક્રેનથી 182 ભારતીયોને લઈને દિલ્લી ફ્લાઇટ પહોંચી છે.

24 Feb 2022 09:43 AM (IST)

યુક્રેનના ઓડેસા શહેરમાં હુમલો

રશિયાએ યુદ્ધની જાહરાત કરતા જ ઓડેસા શહેર પર હુમલો કર્યો છે.

24 Feb 2022 09:38 AM (IST)

રશિયાના હુમલા બાદ યુક્રેનની પહેલી પ્રતિક્રિયા

રશિયાના હુમલા બાદ યુક્રેનની પહેલી પ્રતિક્રિયા સામે આવી છે. જેમાં જણાવ્યું છે કે, અમે આ હુમલાનો જડબાતોબ જવાબ આપીશું.

24 Feb 2022 10:27 AM (IST)

રશિયા-યુક્રેન યુદ્ધના કારણે એર ટ્રાફિક જામ

રશિયા-યુક્રેન યુદ્ધના કારણે એર ટ્રાફિક જામ થવાની માહિતી સામે આવી છે.

24 Feb 2022 10:26 AM (IST)

યુક્રેનના વિદેશ મંત્રીએ કહ્યું- અમે જીતીશું

યુક્રેનના વિદેશ પ્રધાને કહ્યું કે પુતિને સંપૂર્ણ પાયે આક્રમણ શરૂ કર્યું છે. શાંતિપૂર્ણ યુક્રેન પર હુમલો કરવામાં આવ્યો છે. આ આક્રમકતાનું યુદ્ધ છે. યુક્રેન આમાં પોતાનો બચાવ કરશે અને જીતશે.

24 Feb 2022 10:25 AM (IST)

યુક્રેન આર્મી કામ કરી રહી છે : રાષ્ટ્રપતિ જેલ્સકી

યુક્રેન આર્મી કામ કરી રહી છે રાષ્ટ્રપતિ જેલ્સકીએ યુક્રેન પર હુમલા બાબતે નિવેદન આપ્યું છે.

24 Feb 2022 10:18 AM (IST)

રશિયાના હુમલાઓ વચચે ગૃહમંત્રીનું નિવેદન

રશિયાના હુમલામાં યુક્રેનના 300 લોકોના મોત થયાનો ગૃહમંત્રીએ દાવો કર્યો છે.

24 Feb 2022 10:15 AM (IST)

યુક્રેનએ તુર્કી પાસે સૈન્યની સહાયતા માંગી

યુક્રેનએ તુર્કી પાસે સૈન્યની સહાયતા માંગી છે. તો આ સાથે જ કહ્યું છે કે, આ મુશ્કેલ સમયમાં તુર્કી સાથ આપે.

24 Feb 2022 10:12 AM (IST)

શેરબજાર પર પડી યુક્રેન- રશિયાના યુદ્ધની અસર

શેરબજાર પર પડી યુક્રેન- રશિયાના યુદ્ધની અસર પડી છે. 1700 પોઇન્ટનો કડાકો થયો છે.

24 Feb 2022 10:07 AM (IST)

યુક્રેનમાં માર્શલ લો લાદવામાં આવ્યો

રશિયન સેનાની એન્ટ્રી વચ્ચે યુક્રેને માર્શલ લૉ લગાવી દીધો છે.

24 Feb 2022 10:05 AM (IST)

યુક્રેન કટોકટી પર ચીનની પ્રતિક્રિયા

યુક્રેન પર રશિયાની કાર્યવાહી પર ચીનની પ્રતિક્રિયા પણ આવી છે. યુએનમાં ચીનના રાજદૂત ઝાંગ જુને કહ્યું કે સંયમ રાખીને તણાવને વધુ વધતો અટકાવવો જોઈએ

24 Feb 2022 09:59 AM (IST)

યુક્રેન પર ક્રુઝ મિસાઇલોનો હુમલો

યુક્રેનના વિદેશ પ્રધાન દિમિત્રો કુલેબાએ કહ્યું છે કે પુતિને હમણાં જ યુક્રેન પર સંપૂર્ણ પાયે હુમલો કર્યો છે. યુક્રેનના શાંતિપૂર્ણ શહેરો પર હુમલા થઈ રહ્યા છે. આ આક્રમકતાનું યુદ્ધ છે. આવી સ્થિતિમાં યુક્રેન પોતાનો બચાવ કરશે અને જીતશે. યુક્રેનના અધિકારીઓનું કહેવું છે કે બેલિસ્ટિક અને ક્રુઝ મિસાઈલ હુમલાઓએ કિવમાં અનેક સ્થળોને નિશાન બનાવ્યા છે.

24 Feb 2022 11:01 AM (IST)

ખેરસન એરપોર્ટ પર લાગી આગ

યુક્રેન ના ખેરસન એરપોર્ટ પર હુમલો કરતા જ આગ ભભૂકી ઉઠી છે.

24 Feb 2022 11:00 AM (IST)

યુક્રેન પર ત્રણ તરફથી હુમલો

યુક્રેન પર રશિયા, કીમિયા અને બેલારુસે હુમલો કર્યો છે.

24 Feb 2022 10:57 AM (IST)

બેલારુસે પણ યુક્રેન પર હુમલો કર્યો

રશિયા-યુક્રેન યુદ્ધમાં બેલારુસે પણ યુક્રેન પર હુમલો કર્યો છે.

24 Feb 2022 10:51 AM (IST)

યુક્રેનની રાજધાનીમાં અફરાતફરીનો માહોલ જોવા મળી રહ્યો છે.

યુક્રેનની રાજધાનીમાં અફરાતફરીનો માહોલ જોવા મળી રહ્યો છે. લોકો જીવનજરૃરિયાતની વસ્તુ લેવા માટે વહેલી સવારથી લાઈનમાં ઉભા રહી ગયા છે.

24 Feb 2022 10:50 AM (IST)

કિવમાં સતત વાગી રહ્યા છે વોર સાયરન

રશિયાએ યુક્રેન પર હુમલો કરતા જ યુક્રેનની રાજધાની કિવમાં સસ્ત વોર સાયરન વાગી રહ્યા છે.

24 Feb 2022 10:46 AM (IST)

સૈન્યના ઠેકાણા પર રશિયાએ એરસ્ટ્રાઇક કરી : યુક્રેન

સૈન્યના ઠેકાણા પર રશિયાએ એરસ્ટ્રાઇક કરી છે.

24 Feb 2022 10:45 AM (IST)

જુન્ટા સામે આ હુમલો: રશિયા

યુએનમાં રશિયાના રાજદૂતે સુરક્ષા પરિષદની કટોકટીની બેઠકમાં જણાવ્યું હતું કે યુક્રેન વિરુદ્ધ મોસ્કોની લશ્કરી કાર્યવાહી કિવમાં સત્તામાં રહેલા “જન્ટા” ને નિશાન બનાવી રહી છે. વેસિલી નેબેન્ઝિયાએ કહ્યું, “હું તારણ કાઢવા માંગુ છું કે અમે યુક્રેનના લોકો સામે આક્રમક નથી, પરંતુ કિવમાં શાસક જન્ટા વિરુદ્ધ આક્રમક જઈ રહ્યા છીએ.”

24 Feb 2022 10:42 AM (IST)

યુક્રેનની 23 જગ્યા પર એટેક યથાવત

યુક્રેનની 23 જગ્યા પર એટેક યથાવત છે.

24 Feb 2022 10:40 AM (IST)

મોત અને તબાહીનું જવાબદાર છે રશિયા : જો બાઈડન