કિશોરી સાથે લીફ્ટમાં ન કરવાનું કર્યું : સુરતમાં એન્જિનિયરે લિફ્ટમાં ઘૂસી કિશોરી સામે જ પેન્ટ ઉતાર્યું,અશ્લીલ હરકત CCTVમાં કેદ

સુરતમાં દિવસેને દિવસે ગુનાખોરી વધતી જાય છે. અડાજણમાં 15 વર્ષીય સગીરા સાથે અશ્લીલ હરકતોની ગંભીર ઘટના સામે આવી છે.

તરૂણી ટિફિન લેવા જતી હતી ત્યારે ચપ્પલ પહેર્યા વગર વિકૃત યુવક લિફ્ટમાં ઘૂસી ગયો

એક બિલ્ડિંગની લિફ્ટમાં 27 વર્ષીય યુવકે કુમળી વયની કિશોરી સામે અશ્લીલ હરકત કરી ગુનાખોરીની હદ વટાવી હતી. મહત્વની વાત છે કે આ યુવક પાછો એન્જિનિયર છે. ઘટનાને પગલે અડાજણ પોલીસમાં ફરિયાદ કરાતાં પોલીસે છેડતી કરતા યુવકની ધરપકડ કરી કાર્યવાહી હાથ ધરી છે.

અડાજણ વિસ્તારના ગંગેશ્વર મહાદેવ મંદિરના નજીકના એપાર્ટમેન્ટમાં રહેતા કેમિકલ ફેક્ટરીના એકાઉન્ટન્ટની ધો. ૧૧ માં અભ્યાસ કરતી પુત્રી શ્રેયા (ઉં.વ. ૧૫ નામ બદલ્યું છે) ગત રાતે ૮ વાગ્યે માતાના કહેવાથી એપાર્ટમેન્ટના ગેટ પાસે ટિફીન લેવા જવા નીકળી હતી. શ્રેયા લીફ્ટમાં એન્ટર થઇ કે તુરંત જ તેના સામેના ફ્લેટમાં રહેતો પહેર્યા વગર દોડીને લીફ્ટમાં ઘુસી ગયો હતો. લીફ્ટમાં શ્રેયાની એકલતાનો લાભ લઇ સાગરે બિભત્સ ઇશારો કરી પોતાનું પેન્ટ અને અંડરવેર ઉતારી ગુપ્તાંગ બતાવી વિકૃત હરકતો કરી હતી. જેથી શ્રેયા ડરી જતા ગ્રાઉન્ડ ફ્લોર પર લીફટ ઉભી રહેતા વેંત તુરંત જ બહાર નીકળીને ગેટ તરફ જઇ રહી હતી.

પરંતુ સાગરે તેનો પીછો કરી બિભત્સ ભાષામા વાત કરી હતી કે તું જ્યારે તારા બાથરૂમમાં નહાતી હોય ત્યારે હું એકઝોસ્ટ ફેનની બારી માંથી તને જોઉં છું અને તારા શરીરના બધા પાર્ટ મે જોયા છે તું મને ખુબ સારી લાગે છે એમ કહી મોબાઇલમાં અશ્લીલ વિડીયો બતાવ્યા હતા. ઉપરાંત તું નહાતી હોય ત્યારના આવા વિડીયો મારા મોબાઇલમાં બનાવી લીધેલ છે. જેથી શ્રેયાએ તુરંત જ તેના પિતરાઇ ભાઇને ફોન કરી રડતા રડતા સાગરની કરતૂતની જાણ કરી હતી. પિતરાઇએ શ્રેયાની માતાને જાણ કરી સાગરને ઘરની બહાર બોલાવી તું મારી બહેન સાથે આવું કેમ કર્યુ એમ પુછતા પોતે કંઇ પણ કર્યાનો ઇન્કાર કયી હતો. સીસીટીવી ફૂટેજ ચેક કરતા સાગર શ્રેયા સમક્ષ વિકૃત હરકતો કરતા નજરે પડતા અડાજણ પોલીસમાં ફરીયાદ નોંધાવી હતી. પોલીસે વિકૃત સાગરની અટકાયત કરી હતી.

વિકૃત યુવક ખાનગી કંપનીમાં એન્જિનિયર

ખાસ કરીને મહિલાઓ કે બાળકીઓ સાથે છેડતી, બળાત્કાર જેવા કિસ્સાઓમાં ગુનેગારો શિક્ષિત વર્ગના હોતા નથી, પરંતુ અડાજણમાં કિશોરી સાથે છેડતીના આ બનાવમાં શિક્ષિત યુવક દ્વારા આવી હરકત કરવામાં આવી છે. અશ્લીલ હરકત કરનાર સાગર પટેલ ખાનગી મલ્ટિનેશનલ કંપનીમાં એન્જિનિયરની પોસ્ટ પર નોકરી કરી રહ્યો છે. તેના દ્વારા આવી અશ્લીલ હરકતો કરી છેડતી કરાતાં રોષ વરસાવવામાં આવી રહ્યો છે.

કિશોરીની એકલતાનો લાભ લઈ અશ્લીલ હરકત

સુરતના અડાજણ વિસ્તારમાં 15 વર્ષીય એક કિશોરી સાથે વિકૃત માનસિકતા ધરાવતા યુવકે બિલ્ડિંગની લિફ્ટમાં છેડતી કરી હતી. 27 વર્ષીય સાગર પટેલ નામના વિકૃત યુવકે લિફ્ટમાં 15 વર્ષીય કિશોરીની સામે અશ્લીલ હરકતો કરી હતી. કિશોરી લિફ્ટમાં ઘરે જઈ રહી હતી ત્યારે વિકૃત યુવક પણ અંદર ઘૂસી ગયો હતો. લિફ્ટમાં કિશોરી અને યુવક જ હતાં. દરમિયાન કિશોરીની એકલતાનો લાભ લઈ યુવકે તેની સામે ગંભીર અશ્લીલ હરકત કરવાનું શરૂ કર્યું હતું.

લિફ્ટના સીસીટીવી ચેક કરતાં સમગ્ર ભાંડો ફૂટ્યો

15 વર્ષીય કિશોરી દ્વારા રડતાં રડતાં સમગ્ર હકીકત તેનાં માતા-પિતાને જણાવી હતી. પોતાની દીકરીની વાત સાંભળી માતા-પિતામાં યુવક સામે રોષ ભભૂકી ઊઠ્યો હતો. જોકે લિફ્ટમાં સીસીટીવી હતા. ત્યારે બાળકીની વાત સાચી છે કે ખોટી એ જાણવા લિફ્ટના સીસીટીવી ચેક કરવામાં આવ્યા હતા, જ્યાં લિફ્ટના સીસીટીવી ચેક કરતાંની સાથે જ સમગ્ર ભાંડો ફૂટ્યો હતો અને યુવકની તમામ હરકત સીસીટીવીથી સામે આવી ગઈ હતી. યુવકની અશ્લીલતાના પુરાવા સાથે માતા-પિતા અડાજણ પોલીસ મથક ગયાં હતાં. વિકૃત યુવક સામે ફરિયાદ નોંધાવી હતી.

યુવકે કિશોરીની સામે પેન્ટ ઉતારવા લાગ્યો 

યુવકે કિશોરીની સામે પેન્ટ ઉતારી અશ્લીલ હરકતો કરવાનું શરૂ કર્યું હતું, જેને લઇ કિશોરી ગભરાઈ ગઈ હતી અને રડવા લાગી હતી. બાદમાં કિશોરીએ રડતાં રડતાં સમગ્ર હકીકત ઘરે જઈ તેનાં માતા-પિતાને કહી હતી. ઘટનાની ગંભીરતાને જોતાં માતા-પિતાએ તાત્કાલિક અડાજણ પોલીસનો સંપર્ક કર્યો હતો. પોલીસે કિશોરીનાં માતા-પિતાની ફરિયાદ લઈ યુવકની ધરપકડ કરી કાયદેસરની કાર્યવાહી હાથ ધરી હતી.