2 દિવસ વડાપ્રધાન મોદી ગુજરાતમાં, વિધાનસભાની ચૂંટણીનું રણશિંગુ ફૂંકશે : બેક ટુ બેક ત્રણ કાર્યક્રમો

ઉત્તરપ્રદેશ સહિત ૫ રાજ્યમાં વિધાનસભા ચૂંટણીના પરિણામો આવી ગયા છે. આમાંથી હાલ ઉત્તરપ્રદેશ, ઉત્તરાખંડ, મણિપૂર અને ગોવામાં ભાજપની સરકાર બની રહી છે. સમગ્ર દેશમાં ભગવાની વાત કરીએ તો ભાજપ અને તેના સાથીપક્ષો અને આ પરિણામો સાથે ૧૮ રાજ્યમાં સત્તા પર યથાવત છે. હવે વડાપ્રધાન નરેન્દ્ર મોદી આ ચાર રાજ્યોની ચૂંટણીનો વિજયોત્સવ મનાવવા સાથે પણ વિધાનસભા ચૂંટણીનું રણશિંગુ ફૂંકવા અમદાવાદ આવ્યા છે. મારું ગામ,મારું ગુજરાત’ થીમથી ચૂંટણીપ્રચારનો આરંભ ગુજરાત વિધાનસભાની ચૂંટણીના મિશનનો પ્રારંભ મોદી આજે એટલે કે શુક્રવારે અમદાવાદના ગ્રાઉન્ડમાંથી કરશે. અહીં 'મારું ગામ, મારું ગુજરાત’ના નામના સરપંચ સંમેલનમાં ગુજરાતભરમાંથી ૧ લાખથી વધુ ભાજપના ચૂંટાયેલા જન પ્રતિનિધિઓ ઉમટી પડ્યા છે. ગ્રામ્ય સશક્તિકરણની સાથે ગામડે-ગામડે ભાજપની વિકાસ યોજનાઓના અમલીકરણના પ્રચારનો પણ મોદીનો માસ્ટરસ્ટ્રોક છે. ગ્રાઉન્ડના આ કાર્યક્રમ થકી મોદી ગુજરાત વિધાનસભાની ચૂંટણીમાં ભાજપના પ્રચારનો પણ શંખનાદ કરશે. આ માટે જ ૧૧ માર્ચે મોદીના કાર્યક્રમમાં વિરાટ શક્તિ પ્રદર્શન માટે ૧.૫૦ લાખથી વધુની ભીડ એકત્ર કરવામાં છે. મોદી આ ગુજરાતભરમાંથી આવેલા કાર્યકર્તાઓએ ગુજરાતની ચૂંટણી અંગેનું માર્ગદર્શન આપશે. ભાજપનું આ વિરાટ શક્તિ પ્રદર્શન મિશન ૧૫૦ બેઠકો માટેનું માનવામાં આવી રહ્યું છે.૧૧મીએ સવારે દિલ્હીથી વડાપ્રધાન મોદી અમદાવાદ એરપોર્ટ આવી ગયા છે. એરપોર્ટથી ગાંધીનગર સ્થિત કમલમ સુધી મોદીનો રોડ-શોમા વડાપ્રધાનનુ ૪ લાખ લોકો અભિવાદન  રાજ્ય હતું. અલગ અલગ સમાજ, સંસ્થાઓ અને કાર્યકર્તાઓ નક્કી કરેલા સ્થળે હાજર  રહ્યા હતા. આ મોદીનો આ સૌથી મોટો કાર્યક્રમ છે.

પ્રદેશ કાર્યાલય 'શ્રી કમલમ્' ખાતે માનનીય પ્રધાનમંત્રી Narendra Modiએ ભારતીય જનતા પાર્ટીના પદાધિકારીઓ તથા હોદ્દેદારોને માર્ગદર્શન આપ્યું. આ પ્રસંગે પ્રદેશ અધ્યક્ષ સી આર પાટીલ, મુખ્યમંત્રી ભૂપેન્દ્રભાઈ પટેલ, પ્રદેશ સહ પ્રભારી સુધીર ગુપ્તાજી, રાષ્ટ્રીય ઉપાધ્યક્ષ ભારતીબેન શિયાળ, કેન્દ્રીય મંત્રી મનસુખભાઈ માંડવિયા, પરશોત્તમભાઈ રૂપાલા તથા સાંસદ, ધારાસભ્યઓ, ગુજરાત ભાજપાના પદાધિકારીઓ અને હોદ્દેદારો ઉપસ્થિત રહ્યાં.

વડાપ્રધાન કમલમમાં નેતાઓ સાથે બેઠક, ખેલ મહાકુંભ, રક્ષાશક્તિ યુનિ.નો દીક્ષાંત સમારોહ તેેેમજ વડાપ્રધાનના નરેન્દ્ર મોદીના બે દિવસના સંભવિત કાર્યક્રમો મુજબ ૧૨ માર્ચના રોજ વડાપ્રધાન નરેન્દ્ર મોદી નવરંગપુરા સરદાર પટેલ સ્ટેડિયમ ખાતે ખેલ મહાકુંભનો આરંભ કરાવશે. આની સાથોસાથ વડાપ્રધાન રક્ષાશક્તિ યુનિવર્સિટીના દીક્ષાંત સમારોહમાં ઉપસ્થિત રહી દીક્ષાંત પ્રવચન પણ આપશે. દોઢ દિવસના ગુજરાતના પ્રવાસમાં વડાપ્રધાનના હસ્તે અમદાવાદ મહાનગરપાલિકા દ્વારા રિવરફ્રન્ટ પાલડી નજીક તૈયાર કરાયેલા સ્પોર્ટસ કોમ્પલેક્સ તથા પશ્ચિમ અને પૂર્વ ફ્રન્ટને જોડતા વોક-વેનું પણ લોકાર્પણ કરવામાં આવશે.