આતંકીઓનો અંધાધૂંધ ગોળીબાર: કાશ્મીરમાં ટીવી અભિનેત્રીની હત્યા, 10 વર્ષના ભત્રીજાને વાગી ગોળી

જમ્મૂ કાશ્મીર પોલીસના જણાવ્યા અનુસાર, કાશ્મીરના બડગામ પંથકમાં આતંકવાદીઓએ હુમલો કર્યો છે. આ હુમલામાં ગોળી વાગવાથી અભિનેત્રીનું મોત થયું છે. તેની 10 વર્ષના ભત્રીજાને પણ ગોળી વાગી છે. જેને સારવાર માટે હોસ્પિટલમાં દાખલ કરવામાં આવ્યો છે. અભિનેત્રીને ટાર્ગેટ બનાવી ફાયરિંગ કરવામાં આવ્યું હતું. હુમલાખોરોની શોધખોળમાં સમગ્ર વિસ્તારની ઘેરાબંધી કરી અભિયાન ચલાવવામાં આવી રહ્યું છે. વિસ્તારના તમામ એન્ટ્રી અને એક્ઝિટ દ્વારા સુરક્ષાબળોએ બંધ કરી દીધા છે. પોલીસે કહ્યું કે 'આ જઘન્ય અપરાધમાં પ્રતિબંધિત આતંકવાદી સંગઠન લશ્કરના ત્રણ આતંકવાદી સામેલ છે. વિસ્તારની ઘેરાબંધી કરી શોધખોળ શરૂ કરવામં આવી છે. આ હુમલામાં આતંકવાદી સંગઠન લશ્કર-એ-તૈયબાના ત્રણ આતંકવાદીઓ સામેલ હતા. વિસ્તારને કોર્ડન કરીને સર્ચ શરૂ કરી દેવામાં આવ્યું છે. પોલીસે ગુનો નોંધી તપાસ હાથ ધરી છે.જમ્મુ-કાશ્મીરના લેફ્ટનન્ટ ગવર્નર મનોજ સિન્હાએ ટીવી એક્ટર આમરીનની હત્યાની નિંદા કરી છે. સિન્હાએ કહ્યું કે અમે આતંકવાદી વ્યવસ્થાને નષ્ટ કરવા માટે પ્રતિબદ્ધ છીએ.

7:55 વાગે આતંકવાદીઓએ બડગામના ચદૂરામાં આમરીન ભટના ઘરે ગોળીબારી કરી હતી. જેમાં તેમને ગોળી વાગી હતી. અફરા તફરીમાં તેમને હોસ્પિટલ લઇ જવામાં આવી જ્યાં ડોક્ટરોએ તેને મૃત જાહેર કરી દીધી. તેના 10 વર્ષના ભત્રીજાને પણ હાથમાં ગોળી વાગી છે. 'અમરીનના મોત પર જમ્મૂ કાશ્મીરના પૂર્વ મુખ્યમંત્રી ઉમર અબ્દુલાએ દુખ વ્યક્ત કર્યું છે.

કલમ 370 હટાવ્યા બાદ માહોલમાં આવેલા ફેરફાર, સુરક્ષા સ્થિતિમાં સુધારા અને ઉપ રાજ્યપાલ વહીવટી તંત્ર તરફથી જાહેર કરવામાં આવેલી પ્રથમ ફિલ્મી નીતિના લીધે જમ્મૂ કાશ્મીરમાં ફિલ્મ શૂટીંગ માટે ઘણા નિર્માતા પહોંચી રહ્યા છે. ફિલ્મ નીતિ જાહેર કર્યાના એક વર્ષથી ઓછા સમયમાં 120થી વધુ ફિલ્મોને શૂટીંગની પરવાનગી આપવામાં આવી છે. 

એક અધિકારીએ જણાવ્યું કે, અમરીન ભટ (ઉ.વ.29) રાત્રે લગભગ 8 વાગ્યે ભત્રીજા ફુરહાન ઝુબેર સાથે ચદૂરા વિસ્તારમાં તેના ઘરની બહાર ઊભી હતી. આ દરમિયાન ત્યાં પહોંચેલા આતંકીઓએ અંધાધૂંધ ગોળીબાર શરૂ કરી દીધો હતો. ગોળીઓ વાગી કે તરત જ અમરીન અને તેનો ભત્રીજો લોહીથી લથપથ જમીન પર પડી ગયા. આ પછી આતંકીઓ ત્યાંથી ભાગી ગયા હતા.

આતંકવાદીઓ જતાની સાથે જ સંબંધીઓ અને અન્ય લોકો બંને ઘાયલોને હોસ્પિટલ લઈ ગયા જ્યાં ડોક્ટરોએ અમરીનને મૃત જાહેર કરી. જ્યારે તેમના ભત્રીજાને ગંભીર હાલતને કારણે શ્રીનગરની મિલિટરી હોસ્પિટલમાં દાખલ કરવામાં આવ્યો છે. સુરક્ષા દળોએ સમગ્ર વિસ્તારને ઘેરી લીધો છે. હુમલાખોરોની શોધમાં સઘન ઓપરેશન ચલાવવામાં આવી રહ્યું છે. 

અમરીન સોશિયલ મીડિયા પર એક્ટિવ હતી

કહેવાય છે કે અમરીન સોશિયલ મીડિયા પર ઘણી એક્ટિવ હતી. દેશમાં Tiktok પર પ્રતિબંધ પહેલા, તે આ પ્લેટફોર્મ પર તેના વીડિયો માટે ખૂબ જ પ્રખ્યાત હતી. તેમના અનુયાયીઓની સંખ્યા પણ નોંધપાત્ર હતી. 

આ હુમલો એવા સમયે થયો છે જ્યારે બોલિવૂડ ખીણની સુંદર ખીણોમાં પરત ફરવાનું શરૂ કરી દીધું છે. એક સમયે ફિલ્મોના શૂટિંગ માટે કાશ્મીર બોલિવૂડની પહેલી પસંદ હતું. ફરી એકવાર યુરોપ અને હિમાચલ સહિત અન્ય સ્થળો તરફ નિર્માતા-નિર્દેશકોનો ઝોક કાશ્મીર ઘાટી તરફ વધ્યો છે.