કેનેડાના ટોરોન્ટોમાં હાઇવે પર માર્ગ અકસ્માત, પાંચ ભારતીય છાત્રોના મોત

ફોટો: કેનેડામાં એક માર્ગ અકસ્માતમાં પાંચ ભારતીયોના મોત થયા છે. 

CANADA: કેનેડાના ટોરોન્ટો પાસે શનિવારે એક માર્ગ અકસ્માતમાં પાંચ ભારતીય વિદ્યાર્થીઓના મોત થયા છે. કેનેડામાં ભારતના કોન્સ્યુલેટ જનરલ પીડિતોના પરિવારોને સમર્થન આપવા માટે સંપર્કમાં છે.કેનેડિયન ન્યૂઝ ચેનલ CP24 અનુસાર, જે પેસેન્જર વાનમાં વિદ્યાર્થીઓ મુસાફરી કરી રહ્યા હતા તે ઓન્ટારિયોમાં હાઈવે પર ટ્રેક્ટર-ટ્રેલર સાથે અથડાઈ હતી.

 કેનેડાના ટોરોન્ટોથી માઠા સમાચાર આવ્યા છે. અહીં 13 માર્ચ શનિવારે થયેલા એક માર્ગ અકસ્માતમાં પાંચ ભારતીય છાત્રોના મોત થયા છે.પોલીસે જણાવ્યું હતું કે તમામ પાંચેય મોન્ટ્રીયલ અને ગ્રેટર ટોરોન્ટો વિસ્તારમાં અભ્યાસ કરતા હતા.વાનમાં સવાર અન્ય બે મુસાફરોને ગંભીર ઇજાઓ થતાં હોસ્પિટલમાં ખસેડવામાં આવ્યા હતા. ટ્રેક્ટર-ટ્રેલરના ચાલકને કોઈ ઈજા થઈ નથી. તપાસ ચાલી રહી છે, વધુ માહિતી આપતા જણાવ્યું હતું કે, હજુ સુધી કોઈ આરોપો દાખલ કરવામાં આવ્યા નથી. અકસ્માત બાદ હાઇવેની એક લાઇન બંધ કરી દેવામાં આવી હતી. પરંતુ ત્યારપછી તેને ફરીથી ખોલવામાં આવ્યો હતો.
આ માહિતી કેનેડામાં ભારતના હાઈ કમિશનર અજય બિસારિયાએ આપી હતી. તેમણે એમ પણ કહ્યું કે ટોરોન્ટોમાં કોન્સ્યુલેટ જનરલ ઓફ ઈન્ડિયાની ટીમ પીડિતોના મિત્રો સાથે મદદ માટે સંપર્કમાં છે.ઑન્ટારિયો પ્રાંતીય પોલીસના ક્વિન્ટે વેસ્ટ ડિટેચમેન્ટના જણાવ્યા અનુસાર તમામ વિદ્યાર્થીઓ એક વાનમાં હતા. લગભગ 3.45 વાગ્યાની આસપાસ, એક ટ્રેક્ટર-ટ્રેલર તેની વાન સાથે અથડાયું. વાનમાં સવાર પાંચ લોકોને ઘટનાસ્થળે જ મૃત જાહેર કરાયા હતા.

વિદેશ મંત્રી એસ જયશંકરે સોમવારે સવારે ટ્વીટ કરીને પાંચ ભારતીય વિદ્યાર્થીઓના નિધન પર શોક વ્યક્ત કર્યો હતો. તેમણે પુનરોચ્ચાર કર્યો કે કેનેડામાં ભારતના કોન્સ્યુલેટ જનરલ તમામ "જરૂરી સમર્થન અને સહાય" પ્રદાન કરશે.

EAM જયશંકરે ટ્વિટ કર્યું, "કેનેડામાં 5 ભારતીય વિદ્યાર્થીઓના નિધન પર ઊંડો શોક. તેમના પરિવારો પ્રત્યે સંવેદના. ઘાયલ થયેલા લોકોના સ્વસ્થ થવા માટે પ્રાર્થના. @IndiainToronto તમામ જરૂરી સમર્થન અને સહાય પૂરી પાડશે."
મૃતકોના નામ
માર્ગ અકસ્માતમાં મૃત્યુ પામેલા વિદ્યાર્થીઓની ઓળખ 24 વર્ષીય હરપ્રીત સિંહ, 21 વર્ષીય જસપિન્દર સિંહ, 22 વર્ષીય કરણપાલ સિંહ, 23 વર્ષીય મોહિત ચૌહાણ અને 23 વર્ષીય પવન તરીકે થઈ છે.