દિવાળી પર લોંચ થઇ શકે છે Jio-Googleનો સ્માર્ટફોન, કિંમત જાણીને ચોંકી જશો

દિવાળી પર લોંચ થઇ શકે છે Jio-Google નો સ્માર્ટફોન.Jio-Googleનો આ સ્માર્ટફોન હાલ રીસર્ચ અને ડેવલોપમેન્ટના તબક્કામાંથી પસાર થઇ રહ્યો છે અને કંપની ટાટા ઇલેક્ટ્રોનિક્સ પાસેથી તેના ભાગો ખરીદવાની તૈયારીમાં છે. રિપોર્ટ્સ અનુસાર, જિયો-ગૂગલનો આ સ્માર્ટફોન ભારતમાં 50 ડોલરથી ઓછી કિંમતે એટલે કે લગભગ 3600 રૂપિયાની કિંમતે લોંચ થઈ શકે છે. કંપની આગામી મહિનામાં આ ફોનના પ્રી-ઓર્ડર તરીકે બુકિંગ શરૂ કરી શકે છે.

બ્રોકરેજજ ફર્મ યુબીએસના જણાવ્યા અનુસાર Jio-Google ના સસ્તા સ્માર્ટફોનથી જીઓને બેથી ત્રણ વર્ષમાં 3 થી 4.2 કરોડ ગ્રાહકો સુધી ફાયદો થઈ શકે છે. યુબીએસએ કહ્યું કે 50 ડોલરની કિંમતે આ સ્માર્ટફોન લોંચ કરવો થોડો મુશ્કેલ હોઈ શકે છે, પરંતુ ફોનના ઘટકો સાથે સમાધાન કરીને, તેની કિંમત લગભગ 65 થી 70 ડોલરની નીચે લાવી શકાય છે.

Jio-Google ના આ સસ્તા સ્માર્ટફોન માટે ભારતના 30 કરોડ સ્માર્ટફોન વપરાશકારોને લક્ષ્ય બનાવવા માટે ખૂબ મહત્વનું છે કારણ કે જિઓએ પહેલાથી જ પોતાના માટે 50 કરોડ ગ્રાહકોનું લક્ષ્ય નક્કી કર્યું છે. Jio પાસે હાલમાં 42.6 કરોડ યુઝર્સ છે, પરંતુ કંપનીને એરટેલ તરફથી સખત સ્પર્ધા મળી રહી છે.

Jio-Google નો આ સ્માર્ટફોન હાલ રીસર્ચ અને ડેવલોપમેન્ટના તબક્કામાંથી પસાર થઇ રહ્યો છે અને કંપની ટાટા ઇલેક્ટ્રોનિક્સ પાસેથી તેના ભાગો ખરીદવાની તૈયારીમાં છે.રિલાયન્સ Jio-Google ના સસ્તા સ્માર્ટફોનની હાલના દિવસોમાં ઘણી ચર્ચા થઇ રહી છે. દિવાળીની આસપાસ આ ફોન ભારતમાં લોન્ચ થઈ શકે છે. એક મીડિયા રીપોર્ટ અનુસાર Jio-Google ની પાર્ટનરશિપમાં બની રહેલો આ સ્માર્ટફોન હાલમાં વિંગટેક મોબાઈલ્સ, ડિકસન ટેક્નોલોજીઓ, યુટીએલ નિયોલિંક્સ અને ફ્લેક્સટ્રોનિક્સ ટેક્નોલોજીના મેન્યુફેક્ચરિંગ યુનિટમાં ટેસ્ટીંગમાંથી પસાર થઇ રહ્યો છે.

ગૂગલ સોફ્ટવેર આપશે, અન્ય વિક્રેતાઓ એસેમ્બલીંગ કરશે: ચીનની સ્માર્ટફોન ઉત્પાદક કંપની વિંગટેક Jio-Google ના આ ફોનની ડિઝાઇન તૈયાર કરી શકે છે. વિંગટેક કંપનીના અધિકારીએ જણાવ્યું હતું કે ગૂગલનું કામ આ ફોન માટે સોફ્ટવેર તૈયાર કરવાનું હતું અને બાકીના વિક્રેતાઓ ફોન એસેમ્બલ કરવાનું કામ કરશે. ફોનનું ટ્રાયલ શરૂ થવાની સાથે જ અનુમાન કરવામાં આવી રહ્યું છે કે આ ફોન આ વર્ષના ચોથા ક્વાર્ટર સુધીમાં બજારમાં આવશે.