પાકિસ્તાનને 'કરારો જવાબ': ઓપરેશન સિંદૂર પછી ભારત વધુ એકતાબદ્ધ થયું છે : વડાપ્રધાન મોદી

પ્રધાનમંત્રી નરેન્દ્ર મોદીએ ગુરુવારે કહ્યું હતું કે ઓપરેશન સિંદૂર દ્વારા ભારતે પાકિસ્તાન અને આતંકવાદીઓ બંનેને “કરારો જવાબ” આપ્યો છે. પીએમ મોદી સિક્કિમમાં યોજાયેલા કાર્યક્રમને દુષિત હવામાનના કારણે રૂબરૂ હાજર રહી શક્યા નહોતા, પરંતુ તેમણે વર્ચ્યુઅલ રીતે લોકો સંબોધન કર્યું હતું.

'પહેલગામ હુમલામાં આતંકવાદીઓએ માત્ર ભારત પર નહીં, પણ સમગ્ર માનવતા પર હુમલો કર્યો'

તેમણે કહ્યું:
“અમે આતંકવાદીઓ અને તેમના સહયોગીઓને સ્પષ્ટ સંદેશ આપ્યો છે. ઓપરેશન સિંદૂરમાં અમે તેમને કરારો જવાબ આપ્યો છે. નિરાશ પાકિસ્તાને અમારા નાગરિકો અને જવાનોને ટાર્ગેટ કરવાનો પ્રયાસ કર્યો હતો, પરંતુ પાકિસ્તાનને બિચકાવી દેવામાં આવ્યો અને અમે તેમના એરબેસ પણ નષ્ટ કર્યા.”

સિક્કિમ પ્રવાસ રદ, વર્ચ્યુઅલ રીતે સંબોધન

પ્રધાનમંત્રી મોદી સવારે 11 વાગ્યે સિક્કિમમાં યોજાયેલા ‘સિક્કિમ@50: Where Progress meets purpose and nature nurtures growth’ કાર્યક્રમમાં ભાગ લેવા જવાના હતા, પરંતુ ખરાબ હવામાનને કારણે તેઓ સિક્કિમ જઈ શક્યા નહીં અને તેમણે કાર્યક્રમમાં ઓનલાઇન જોડાઈને સંબોધન કર્યું.

“સિક્કિમ માટે હવે વૈશ્વિક પર્યટન સ્થલ બનવાનો સમય આવી ગયો છે”: મોદી

મોદીએ જણાવ્યું કે દિલ્હી ખાતે નીતી આયોગની ગવર્નિંગ કાઉન્સિલની બેઠકમાં તેમણે કહ્યું હતું કે દરેક રાજ્યએ એવા પર્યટન સ્થળો વિકસાવા જોઈએ કે જે વૈશ્વિક સ્તરે પોતાનું સ્થાન બનાવી શકે.

તેમણે કહ્યું:
“હવે સિક્કિમ માટે વૈશ્વિક પર્યટન સ્થળ બનવાનો સમય આવી ગયો છે. અહીં એડવેન્ચર અને સ્પોર્ટ્સ ટુરિઝમ માટે પણ અપાર શક્યતાઓ છે. અમારી કલ્પના છે કે સિક્કિમ કોન્ફરન્સ, વેલનેસ અને કોન્સર્ટ ટુરિઝમનું કેન્દ્ર બની રહે. હું ઈચ્છું છું કે વિશ્વના શ્રેષ્ઠ કલાકારો ગાંટોકની વાદીઓમાં કાર્યક્રમ કરે. અમે જી-20ની બેઠક સિક્કિમમાં રાખી હતી જેથી દુનિયાને રાજ્યની ક્ષમતા અંગે સમજ મળે. મને આનંદ છે કે સિક્કિમમાં એનડીએ સરકાર આ દ્રષ્ટિને હકીકતમાં બદલી રહી છે.”

વિકાસ કાર્યોથી સંકળાયેલા અનેક પ્રોજેક્ટનું ઉદ્ઘાટન

પ્રધાનમંત્રીએ સિક્કિમમાં અનેક વિકાસ યોજનાઓનું શિલાન્યાસ અને ઉદ્ઘાટન પણ કર્યું. તેમાં નામચી જિલ્લામાં ₹750 કરોડથી વધુ ખર્ચે બનનારી નવી 500 પથારીયુક્ત જિલ્લાની હોસ્પિટલ, ગયાલશિંગ જિલ્લાના પેલિંગ ખાતે સાંગાચોલિંગ પેસેન્જર રોપવે અને ગાંટોક જિલ્લાના સંખોલા ખાતે અટલ અમૃત ઉદ્યાનમાં ભારત રત્ન અટલ બિહારી વાજપેયીની પ્રતિમા શામેલ છે.

મોદીએ કહ્યું:
“પર્યટન માત્ર મનોરંજન નથી, તે વિવિધતાનું ઉજવણી છે. પરંતુ આતંકવાદીઓએ પહેલગામમાં જે કર્યું તે ભારત પર નહીં પરંતુ માનવતાની આત્મા પર હુમલો હતો. તે ભાઈચારાના વિરોધમાં હુમલો હતો. તેમણે ભારતીયોને વહેંચવાનો પ્રયાસ કર્યો, પરંતુ આજે વિશ્વ જોઈ રહ્યું છે કે ભારત પહેલાંથી વધુ એકતાબદ્ધ છે.”

ઓપરેશન સિંદૂરની પૃષ્ઠભૂમિ

પહેલગામ આતંકી હુમલાના બે અઠવાડિયા પછી, ભારતે 7 મેના રોજ પાકિસ્તાનમાં ઓછામાં ઓછી નવ આતંકવાદી કેમ્પો પર ચોકસાઈથી હુમલા કર્યા, જેને હવે ‘ઓપરેશન સિંદૂર’ તરીકે ઓળખવામાં આવે છે. ઓપરેશન બાદ ચાર દિવસ સુધી બંને દેશો વચ્ચે સૈન્ય કાર્યવાહી ચાલી હતી. અંતે, 10 મેના રોજ ભારત અને પાકિસ્તાન વચ્ચે લશ્કરી કાર્યવાહી અટકાવવાની સમજૂતી થઈ.

“સિક્કિમે 50 વર્ષ પહેલા લોકશાહિની દિશા પસંદ કરી હતી”: પીએમ મોદી

સિક્કિમના રાજ્યદિન નિમિત્તે મોદીએ જણાવ્યું:
“50 વર્ષ પહેલા, સિક્કિમે પોતાનું ભવિષ્ય લોકશાહી સાથે જોડવાનું પસંદ કર્યું હતું. સિક્કિમના લોકોના હૃદયમાં ભારતની આત્મા સાથે જોડાવાની તીવ્ર ઈચ્છા હતી. જ્યાં દરેકની અવાજ સાંભળવામાં આવે અને દરેકના હક સુરક્ષિત હોય – તેવી જગ્યા તેમને જોઈતી હતી. આજે હું વિશ્વાસપૂર્વક કહી શકું છું કે સિક્કિમના દરેક પરિવારમાં ભારતપ્રતિ વિશ્વાસ વધુ મજબૂત થયો છે.”