સુપર વિલેજ: અહીં ક્યારેય થઈ નથી ગ્રામ પંચાયતની ચૂંટણી, હંમેશા થાય છે સમરસ

13-Dec-2021

મારું ગામ, મારી પંચાયતમાં આજે વાત કરીશું છોટાઉદેપુર (Chhota Udepur) જિલ્લાના આનંદપુરા ગામની (Ananadpura Village). આ ગામમાં છેલ્લા 60 વર્ષથી સ્થાનિક સ્વરાજ્યની ચૂંટણી જ નથી થઈ. સંપ અને સહકારથી દરેક વખતે ગ્રામપંચાયત સમરસ થાય છે. એટલું જ નહીં છેલ્લી ત્રણ ટર્મથી તો ગ્રામપંચાયતની કમાન મહિલાઓને સોંપવામાં આવી રહી છે.

ગામલોકોનો દાવો છે કે, તેમના ગામમાં તમામ પ્રાથમિક સુવિધા ઉપલબ્ધ છે. ગામમાં રસ્તા સારા છે, પીવાનું શુદ્ધ પાણી મળી રહે છે. તો વિદ્યાર્થીઓની જવાબદારી તો ગામના લોકોએ જ ઉઠાવી લીધી છે. વિદ્યાર્થીઓને યુનિફોર્મ, ફી, પુસ્તકોનો તમામ ખર્ચ ગામલોકો ઉઠાવે છે. ગામની શાળામાં ભણીને વિદેશ સુધી પહોંચેલા લોકો પણ ફાળો આપવામાં જરા પણ કચાશ રાખતા નથી. જાણીએ ગામના લોકો શું કહે છે ?

એક ગ્રામજને કહ્યું કે પંચાયતી રાજ આવ્યું એ બાદ આજદિન સુધી ક્યારેય ગામમાં ચૂંટણી નથી યોજાઈ. એનું કારણ છે સંપ અને સહકાર. ગામના દરેક સભ્યો ભેગા થઈને સામાન્ય સભાનું આયોજન કરે છે. જેમાં વડીલો ઉમેદવાર કોને બનાવવા તે નક્કી કરે છે. ત્યાર બાદ જે વિકાસ કરી શકે એવા વ્યક્તિઓનાં નામ લેવામાં આવે છે અને સર્વાનુમતે નામ નક્કી કરવામાં આવે છે. ગામના એક મહિલાએ જણાવ્યું કે છેલ્લા ત્રણ ટર્મથી મહિલા સભ્યોએ સારી પ્રગતિ કરી છે. તો આ વર્ષે પણ મહિલા સભ્યોની કમિટી બનાવી છે.

Author : Gujaratenews

સુપર વિલેજ: અહીં ક્યારેય થઈ નથી ગ્રામ પંચાયતની ચૂંટણી, હંમેશા થાય છે સમરસ

Related Articles

ફોરએવર મિસ ટીન ઈન્ડિયા ગ્રાન્ડ ફિનાલે સીઝન 6ના ઓડિશનની શરૂઆત થઈ ...

ફોરએવર મિસેજ ઈન્ડિયા ગ્રાન્ડ ફિનાલે સીઝન 6ના ઓડિશનની શરૂઆત થઈ...

હોર્મુઝમાં તણાવ, સુરત સુધી અસર!...

કેટવોકથી લઈને તાજ જીતવા સુધી ફોરએવર યુનિવર્સ અને ઇન્ડિયા ગ્રાન્...

ફોરએવર યુનિવર્સ અને ઇન્ડિયા ગ્રાન્ડ ફિનાલે સીઝન 5નો જાદુ ઝી સ્ટુ...

છેલ્લા ૬૫ વર્ષથી ધરતી ધબકે છે, પૃથ્વીના ૨૬ સેકન્ડના રહસ્યમય કંપન...

હનિમુનથી હિલ સુધીના લક્ઝુરિયસ ડેસ્ટિનેશનઃ 30 હજાર રુપિયાથી શરુ થ...

ભારતની અદભુત 10 પર્વતમાળાઓ બની પ્રવાસનના આકર્ષણનું કેન્દ્ર...

સુપર વિલેજ: અહીં ક્યારેય થઈ નથી ગ્રામ પંચાયતની ચૂંટણી, હંમેશા થાય છે સમરસ

Related Articles

Brief News

Contributer News