IPL AUCTION LIVE: ગુજરાત ટાઈટન્સે શમીની ખરીદીથી ખાતું ખોલ્યું, ઐયર સૌથી મોંઘો ખેલાડી બન્યો

IPL 2022 Auction :

આઈપીએલ મેગા ઓક્શનની હરાજીનો આજે પહેલો દિવસ છે. બેંગલુરુની હોટલ આઈટીસી ગાર્ડેનિયામાં આજે 161 ખેલાડીઓની બોલી લાગી રહી છે. પહેલા દિવસની હરાજીમાં 10 માર્કી પ્લેયર્સ પર ખાસ નજર રહેશે. તેમાં ભારતના 4 અને 6 વિદેશી ખેલાડીઓ સામેલ છે. ઓવરઓલ 600 ખેલાડીઓ આ વખતે મેગા ઓક્શનમાં ઉતરશે. જે 600 ખેલાડીઓની બોલી બોલાવાની છે તેમાં 228 કૈપ્ડ અને 355 અનકૈપ્ડ પ્લેયર્સ છે. તે સિવાય 7 ખેલાડીઓ અસોસિએટ દેશોના પણ છે.દક્ષિણ આફ્રિકાના બેટ્સમેન ફાફ ડુ પ્લેસિસને વિરાટ કોહલીની રોયલ ચેલેન્જર્સ બેંગ્લોરે ખરીદ્યો છે. ફાફને 7 કરોડ રૂપિયામાં ખરીદવામાં આવ્યો છે, તેની મૂળ કિંમત 2 કરોડ રૂપિયા હતી.ટીમ ઈન્ડિયાના ફાસ્ટ બોલર મોહમ્મદ શમીને ગુજરાત ટાઇટન્સે 6.25 કરોડ રૂપિયામાં ખરીદ્યો છે. મોહમ્મદ શમીની મૂળ કિંમત 2 કરોડ રૂપિયા હતી.

સીઝનની શરૂઆત પહેલા સૌથી મોટો દિવસ આવી ગયો છે. આઈપીએલ 2022 (IPL 2022)સીઝનની મોટી હરાજી આજથી બેંગ્લોરમાં શરૂ થઈ રહી છે. ચાર વર્ષની રાહ જોયા બાદ આ મેગા ઓક્શન થઈ રહ્યું છે. છેલ્લી વખત આવી હરાજી 2018માં થઈ હતી. આ વખતે આગામી બે દિવસ માટે લગભગ 600 ખેલાડીઓની બોલી લગાવવામાં આવશે અને ફરી એકવાર વિશ્વના સૌથી મોટા અને નવા ખેલાડીઓ પર પૈસાનો વરસાદ થશે. આ વખતે હરાજીનો ઉત્સાહ વધારવા માટે ગુજરાત ટાઇટન્સ (Gujarat Titans)અને લખનૌ સુપર જાયન્ટ્સ (Lucknow Super Giants)ના રૂપમાં બે નવી ટીમો ઉમેરવામાં આવી છે.આ બધી કાર્યવાહી હવેથી થોડીવારમાં શરૂ થઈ જશે.આજે 161 ખેલાડીઓના ભાવિનો નિર્ણય થશે.

તમામ ટીમોએ હરાજી પહેલા પોતપોતાના રિટેન કરાયેલા ખેલાડીઓની યાદી જાહેર કરી દીધી છે અને હવે દરેક ટીમના 90 કરોડના પર્સમાંથી તે ખેલાડીઓનો હિસ્સો કપાઈ ગયો છે. આવી સ્થિતિમાં પંજાબ કિંગ્સ સૌથી વધુ 72 કરોડ રૂપિયાની રકમ સાથે હરાજીમાં પહોંચી છે, જ્યારે દિલ્હી કેપિટલ્સ સૌથી ઓછા 47.50 કરોડ રૂપિયા ખર્ચીને લાવ્યું છે. તો કઈ ફ્રેન્ચાઈઝી શ્રેષ્ઠ ટીમ બનાવશે, કયો ખેલાડી સૌથી મોટી રકમ લૂંટશે અને કોનું નસીબ બદલાશે,

ડેવિડ વૉર્નરઃ 6.25 કરોડ, દિલ્હી કેપિટલ્સ

ક્વિંટન ડિ કૉકઃ 6.75 કરોડ, લખનૌ સુપર જાયન્ટ્સ 

ફૈફ ડુપ્લેસીઃ 7 કરોડ, રોયલ ચેલેન્જર્સ બેંગલોર

મોહમ્મદ શામીઃ 6.25 કરોડ, ગુજરાત ટાઈટન્સ

શ્રેયસ અય્યરઃ 12.25 કરોડ, કોલકાતા નાઈટ રાઈડર્સ

ટ્રેંટ બોલ્ટઃ 8 કરોડ, રાજસ્થાન રોયલ્સ

કગિસો રબાડાઃ 9.25 કરોડ, પંજાબ કિંગ્સ

પૈટ કમિંસઃ 7.25 કરોડ, કોલકાતા નાઈટ રાઈડર્સ

રવિચંદ્રન અશ્વિનઃ 5 કરોડ, રાજસ્થાન રોયલ્સ

શિખર ધવનઃ 8.25 કરોડ, પંજાબ કિંગ્સ

બધાની નજર ભારતના સ્ટાર બેટ્સમેન શ્રેયસ અય્યર પર હતી, તેની બોલી બે કરોડથી શરૂ થઈ હતી. દિલ્હી, બેંગ્લોર, કોલકાતાએ શરૂઆતમાં શ્રેયસ ઐયર માટે ઉગ્ર બોલી લગાવી હતી. કોલકાતા નાઈટ રાઈડર્સે શ્રેયસ અય્યરને 12.25 કરોડમાં ખરીદ્યો હતો.

ન્યુઝીલેન્ડના ફાસ્ટ બોલર ટ્રેન્ટ બોલ્ટ માટે 2 કરોડથી બોલી શરૂ થઈ અને તેના માટે લાંબી લડાઈ ચાલી. ટ્રેન્ટ બોલ્ટને રાજસ્થાન રોયલ્સે 8 કરોડ રૂપિયામાં ખરીદ્યો હતો, તે પહેલા તે મુંબઈ ઈન્ડિયન્સ સાથે હતો. દક્ષિણ આફ્રિકાના ફાસ્ટ બોલર કાગિસો રબાડા માટે 2 કરોડથી શરૂ થયેલી આ બોલી ઘણી ટીમોએ લગાવી હતી. આ દરમિયાન પંજાબ, દિલ્હી અને ગુજરાતની ટીમો સામસામે આવી હતી. અંતે પંજાબ કિંગ્સે કાગીસો રબાડાને રૂ. 9.25 કરોડમાં સામેલ કર્યો