ગુજરાતમાં આકરી ગરમી યથાવત, હજુ 5 દિવસ કોઈ રાહત નહીં, રાત્રે પણ તાપમાન 40 ડિગ્રી રહેશે

મધ્ય ગુજરાતથી લઈને સૌરાષ્ટ્ર-કચ્છ સુધી હીટ વેવની ધારણા છે. રાજ્યના અનેક શહેરોમાં ઓરેન્જ અને યલો એલર્ટ જાહેર કરવામાં આવ્યું છે.

ભાવનગર, પોરબંદર, અમદાવાદમાં પણ આકરી ગરમી પડશે

તમે માત્ર દિવસ દરમિયાન જ નહીં પણ રાત્રે પણ ભયંકર ગરમી અનુભવશો. ભાવનગર, પોરબંદર, અમદાવાદમાં પણ આકરી ગરમી પડશે. પશ્ચિમથી ઉત્તર-પશ્ચિમના પવનોને કારણે ગરમી વધી હોવાનું હવામાન વિભાગનું તારણ છે.

ગુજરાતમાં સતત પાંચમા દિવસે આકરી ગરમી યથાવત છે. રાજ્યના 11 શહેરોમાં સરેરાશ મહત્તમ તાપમાન 40 ડિગ્રીને વટાવી ગયું છે. આગામી ત્રણ દિવસ સુધી ગરમીમાંથી રાહત મળવાની કોઈ શક્યતા નથી. રાત્રિના સમયે પણ તાપમાન 41 ડિગ્રી રહેવાની સંભાવના છે. ગુજરાતની જનતાને કોરી ખાતી આકરી ગરમી આગામી પાંચ દિવસ સુધી યથાવત રહેશે. રાજ્યમાં પાંચ દિવસ સુધી પારો 45ને પાર કરે તેવી શક્યતા છે. હવામાન વિભાગે આગામી ચાર દિવસ સુધી તીવ્ર ગરમીની આગાહી કરી છે. તમારે દિવસ દરમિયાન જ નહીં પરંતુ રાત્રે પણ ભારે ગરમીનો સામનો કરવો પડશે. રાત્રિના સમયે પણ તાપમાન 41 ડિગ્રી રહેવાની શક્યતા છે. ઉત્તર ગુજરાતથી દક્ષિણ ગુજરાત સુધી હીટ વેવ ચાલુ રહેવાની ધારણા છે.

ગુજરાતમાં ગરમીના કારણે ઈમરજન્સી કેસોમાં સતત વધારો થઈ રહ્યો છે અને અત્યાર સુધીમાં હીટ સ્ટ્રોકના 72થી વધુ કોલ આવ્યા છે. જ્યારથી ઉનાળાનું તાપમાન 44 ડિગ્રીને પાર કરી ગયું છે, ત્યારથી હીટ વેવના કોલમાં સતત વધારો થઈ રહ્યો છે. 16મી મેના રોજ 83 કોલ, 17મી મેના રોજ 85, 18મી મેના રોજ 97 અને 19મી મેના રોજ 106 કોલ આવ્યા હતા. જો કે રાહતની વાત એ છે કે હજુ સુધી ગરમીના કારણે કોઈનું મોત થયું નથી. આરોગ્ય વિભાગે તમામ મોટા શહેરો અને નગરોને ઈમરજન્સી માટે તૈયાર રહેવા અને હીટ વેવનો સામનો કરવા માટે અલગ વોર્ડ બનાવવાની સૂચના આપી છે. હીટ સ્ટ્રોકના વધતા જતા કેસોને જોતા લોકોને સતત પાણી પીવા અને ગરમીથી બચવા માટે માર્ગદર્શિકા જારી કરવામાં આવી છે.

રાત્રે પણ ભારે ગરમી

મધ્ય ગુજરાતથી લઈને સૌરાષ્ટ્ર-કચ્છ સુધી હીટ વેવની ધારણા છે. રાજ્યના અનેક શહેરોમાં ઓરેન્જ અને યલો એલર્ટ જાહેર કરવામાં આવ્યું છે. તમે માત્ર દિવસ દરમિયાન જ નહીં પણ રાત્રે પણ ભયંકર ગરમી અનુભવશો. ભાવનગર, પોરબંદર, અમદાવાદમાં પણ આકરી ગરમી પડશે. પશ્ચિમથી ઉત્તર-પશ્ચિમના પવનોને કારણે ગરમી વધી હોવાનું હવામાન વિભાગનું તારણ છે.

હવામાન વિભાગની આગાહી મુજબ અમદાવાદમાં આગામી પાંચ દિવસ સુધી તાપમાન 45 ડિગ્રીની આસપાસ રહેશે. ગાંધીનગરમાં અત્યાર સુધીની સૌથી આકરી ગરમી પડી છે અને લોકોને મુશ્કેલીનો સામનો કરવો પડી રહ્યો છે. ભાવનગર, પોરબંદર, અમદાવાદ રાત્રે પણ આકરી ગરમીનો અનુભવ થશે.

રાજ્યના 6 શહેરોમાં તાપમાન 44 ડિગ્રીને પાર પહોંચી ગયું છે. જેમાં પાટનગર ગાંધીનગરમાં સૌથી વધુ 45 ડિગ્રી તાપમાન નોંધાયું છે. અમદાવાદમાં પારો 44.5 ડિગ્રી નોંધાયો છે. વડોદરા અને ભાવનગરમાં 44.2 ડિગ્રી, સુરેન્દ્રનગરમાં 44.3 ડિગ્રી, અમરેલીમાં 44 ડિગ્રી, ડીસામાં 43.2 ડિગ્રી અને રાજકોટમાં 43 ડિગ્રી તાપમાન નોંધાયું હતું.

પંજાબ-હરિયાણામાં એલર્ટ

આગામી 5 દિવસ સુધી પંજાબ, હરિયાણા અને ચંદીગઢમાં હીટ વેવને કારણે હવામાન વિભાગ દ્વારા રેડ એલર્ટ જારી કરવામાં આવ્યું છે. ચંદીગઢ, પંજાબ અને હરિયાણાના હવામાન વિભાગના નિર્દેશક એકે સિંહે લોકોને બહાર ન નીકળવાની અપીલ કરી છે. પંજાબ અને હરિયાણાના દક્ષિણ ભાગોમાં ગરમીની લહેર સૌથી વધુ પ્રભાવિત છે. પંજાબના ભટિંડા, ફાઝિલ્કા, માનસા, સંગરુર, અબોહર અને હરિયાણાના હિસાર, સિરસા, મહેન્દ્રગઢ, ગુરુગ્રામમાં તાપમાન 47 ડિગ્રી સુધી પહોંચી જશે. પંજાબ અને હરિયાણાના બાકીના ભાગોમાં તાપમાન 43 થી 47 ડિગ્રી રહેશે.

ચંદીગઢમાં સૌથી વધુ તાપમાન 44.5 ડિગ્રી નોંધાયું હતું. ચંદીગઢે મે મહિનામાં રેકોર્ડ તોડ્યો છે. સૂચનાઓમાં કહેવામાં આવ્યું છે કે લોકોએ દિવસ દરમિયાન બહાર ન જવું, વધુ સુતરાઉ કપડાંનો ઉપયોગ કરવો, બહાર જતી વખતે પોતાને ઢાંકવું, હાઇડ્રેટેડ રહેવું, કોઇપણ સમસ્યા હોય તો ડોક્ટરની સલાહ લેવી. આગામી 7 દિવસ સુધી હવામાનની સ્થિતિ યથાવત રહેશે. 30મી જૂનથી ચોમાસુ શરૂ થવા જઈ રહ્યું છે. ત્યાર બાદ સારો વરસાદ થશે.

દિલ્હીમાં હીટ વેવની ચેતવણી

ભારતીય હવામાન વિભાગ (IMD) એ દિલ્હીમાં આગામી સાત દિવસ સુધી હીટ વેવની ચેતવણી જારી કરી છે. મહત્તમ તાપમાન 44 થી 47 ડિગ્રી સેલ્સિયસ વચ્ચે રહેશે. સોમવારે દિલ્હી અને તેની આસપાસનું મહત્તમ તાપમાન 47.4 ડિગ્રી સેલ્સિયસ પર પહોંચી ગયું હતું, જે દેશમાં સૌથી વધુ છે. IMD એ પંજાબ, હરિયાણા અને ચંદીગઢ માટે ગંભીર હીટવેવ રેડ એલર્ટ પણ જારી કર્યું છે. આગામી દિવસોમાં હીટવેવથી લઈને ગંભીર હીટવેવની સ્થિતિ પ્રવર્તશે તેવું કહેવામાં આવ્યું છે.

ઉચ્ચ તાપમાનના લાંબા સમય સુધી સંપર્કમાં રહેવાથી હીટ સ્ટ્રોક થઈ શકે છે," દિલ્હીના ચેસ્ટ સ્પેશિયાલિસ્ટ ડૉ.એ કહ્યું કે જ્યારે પણ તમે ઘરની બહાર જાઓ ત્યારે તમારી સાથે પાણીની બોટલ રાખો અને જો તમને તરસ ન લાગે તો પણ થોડીવાર પછી પાણી પીતા રહો અને તમારા શરીરને સુતરાઉ કપડાથી ઢાંકીને રાખો. જ્યારે પણ તમે ઘરે પાછા ફરો ત્યારે સીધા રૂમમાં ન જશો. પહેલા તમારા શરીરનું તાપમાન સામાન્ય થવા દો. તે પછી વધુ પડતું બરફ વાળું ઠંડુ પાણી ન પીવો. જો શક્ય હોય તો, ઘડામાંથી પાણી પીવો.